वालसावंगी: शेती वाटणीच्या वादातून ९० वर्षीय वृद्धाला घरात घुसून मारहाण; पारध पोलीस ठाण्यात गुन्हा दाखल
By तेजराव दांडगे
वालसावंगी: शेती वाटणीच्या वादातून ९० वर्षीय वृद्धाला घरात घुसून मारहाण; पारध पोलीस ठाण्यात गुन्हा दाखल
वालसावंगी (प्रतिनिधी): भोकरदन तालुक्यातील वालसावंगी येथे शेती वाटणीच्या कारणावरून एका ९० वर्षीय वृद्धाला आणि त्यांच्या मुलाला घरात घुसून मारहाण केल्याची धक्कादायक घटना समोर आली आहे. या प्रकरणी पीडित वृद्धाच्या तक्रारीवरून पारध पोलीस ठाण्यात संशयित आरोपीविरुद्ध भारतीय न्याय संहितेच्या (BNS) विविध कलमान्वये गुन्हा दाखल करण्यात आला आहे.
तक्रारीतील सविस्तर तपशील:
फिर्यादी शिवनारायण मोतीलाल जैस्वाल (वय ९० वर्ष, व्यवसाय-शेती, रा. वालसावंगी, ता. भोकरदन) यांनी दिलेल्या तक्रारीनुसार, २२ मे २०२६ रोजी सकाळी ८:३० वाजेच्या सुमारास ते त्यांच्या घरात होते. या वेळी संशयित आरोपी विनय शिवनारायण जैस्वाल (रा. वालसावंगी) याने शेती वाटणीच्या जुन्या कारणावरून वाद उकरून काढला.
हा वाद विकोपाला गेल्यानंतर संशयिताने घरात घुसून ९० वर्षीय शिवनारायण जैस्वाल यांना लोटलाट केली. तसेच तिथे मध्यस्थी करणाऱ्या साक्षीदार मुलाच्या तोंडात चापट मारून मारहाण केली. या दरम्यान संशयिताने फिर्यादी आणि साक्षीदार यांना अश्लील शिवीगाळ करत जिवे मारण्याची धमकी दिली असल्याचे तक्रारीत नमूद करण्यात आले आहे.
पारध पोलिसांत गुन्हा दाखल:
पीडित वृद्धाने दुपारी १:०९ वाजता पारध पोलीस ठाणे गाठून दिलेल्या तक्रारीवरून संशयित विनय जैस्वाल याच्याविरुद्ध गुन्हा रजि. नं. १४८/२०२६, कलम ३३३, ११५(२), ३५२, ३५१(२) BNS अन्वये गुन्हा दाखल करण्यात आला आहे.
पोलीस ठाण्याचे पोहेकॉ जी. डी. भुतेकर यांनी या गुन्ह्याची नोंद केली असून, पुढील कायदेशीर तपास सहाय्यक पोलीस निरीक्षकांच्या आदेशाने पोहेकॉ पी. एन. सिनकर यांच्याकडे सोपवण्यात आला आहे.
