आपला जिल्हाताज्या घडामोडीबुलढाणा जिल्हा

बुलढाणा जिल्ह्यात हळहळ: पद्मावती धरणात बुडून मासरूळच्या माजी सरपंच पुत्राचा दुर्दैवी मृत्यू; प्रशासनाची घटनास्थळी धाव

By अनिल जाधव

बुलढाणा जिल्ह्यात हळहळ: पद्मावती धरणात बुडून मासरूळच्या माजी सरपंच पुत्राचा दुर्दैवी मृत्यू; प्रशासनाची घटनास्थळी धाव

​बुलढाणा (प्रतिनिधी) | १९ नोव्हेंबर २०२६: बुलढाणा तालुक्यातील मासरूळ येथील मधुकर गणपत महाले यांचा पद्मावती धरणात बुडून दुर्दैवी मृत्यू झाल्याची घटना आज, १९ नोव्हेंबर रोजी घडली आहे. मासरूळच्या माजी सरपंच शकुंतलाबाई गणपत महाले यांचे ते पुत्र होते. या दुर्दैवी घटनेमुळे मासरूळ गावासह संपूर्ण परिसरात तीव्र शोककळा आणि हळहळ व्यक्त होत आहे.

​पाईपलाईन दुरुस्तीनंतर परतताना घडली दुर्दैवी घटना

​मिळालेल्या प्राथमिक माहितीनुसार, मधुकर महाले हे धरणातील पाणीपुरवठा विहिरीवरील पाईपलाईन दुरुस्तीच्या कामासाठी ग्रामपंचायतच्या चार कर्मचाऱ्यांसह गेले होते. दुरुस्तीचे काम पूर्ण झाल्यानंतर परत येत असताना अचानक पाण्यात बुडून ही दुर्घटना घडली. घटनेची माहिती मिळताच शोधमोहीम राबवण्यात आली. तब्बल दोन तासांच्या अथक प्रयत्नांनंतर सायंकाळी ६ वाजण्याच्या सुमारास शोध पथकाला त्यांचा मृतदेह सापडला.

​प्रशासन आणि लोकप्रतिनिधींची घटनास्थळी धाव

​या घटनेची माहिती मिळताच पोलीस पथक तात्काळ घटनास्थळी दाखल झाले. तसेच बुलढाणा तहसीलदार विठ्ठल कुमरे आणि जिल्हाधिकारी कार्यालयातील आपत्ती व्यवस्थापनाचे पथकही घटनास्थळी पोहोचले. चिखली विधानसभा मतदारसंघाच्या आमदार श्वेता महाले यांनीही घटनास्थळी भेट देत परिस्थितीची माहिती घेतली व कुटुंबीयांना धीर दिला. या घटनेमुळे परिसरात सर्वत्र हळहळ व्यक्त केली जात आहे.

D9 News मराठी

सूचना - ((D9 News हे आधुनिक युगातील एक अग्रगण्य डिजिटल न्यूज पोर्टल आहे. 'D' म्हणजे डिजिटल तंत्रज्ञान आणि '9' म्हणजे नवदृष्टी! सामाजिक बांधिलकी, सत्यता आणि आधुनिक तंत्रज्ञानाची जोड देऊन जनसामान्यांचे प्रश्न निर्भीडपणे मांडणे हेच आमचे ध्येय आहे.)) D9 news marathi च्या बातमी किंवा जाहिरातीमध्ये प्रसिद्ध झालेल्या मजकुराशी संपादक/संचालक सहमत असतीलच असे नाही. आम्ही MDMA चे सभासद असून माहिती तंत्रज्ञान विभागाअंतर्गत (मध्यस्थ मार्गदर्शन तत्वे आणि डिजिटल माध्यमे) नियम 2021 चे पालन करतो. या न्यूज वेबसाईटवर प्रकाशित मजकूर, बातमी, लेख, व्हिडीओ, इ. बाबत कोणताही आक्षेप अथवा तक्रार असल्यास d9newscomplaint@gmail.com वर संपर्क करावा.

Related Articles

Leave a Reply

Your email address will not be published. Required fields are marked *

Back to top button
बातमी कॉपी करायला तुम्ही आमचे काका लागता की मामा ??