आपला जिल्हाजालना जिल्हामहत्वाचे

पेन्शनधारकांसाठी मोठी बातमी! १ डिसेंबरपूर्वी हे काम न केल्यास डिसेंबरचे पेन्शन अडकणार; जालना जिल्हा प्रशासनाचे महत्त्वाचे आवाहन

By तेजराव दांडगे

पेन्शनधारकांसाठी मोठी बातमी! १ डिसेंबरपूर्वी हे काम न केल्यास डिसेंबरचे पेन्शन अडकणार; जालना जिल्हा प्रशासनाचे महत्त्वाचे आवाहन

​​जालना, दि. १६ : जिल्ह्यातील सर्व निवृत्तीवेतनधारक आणि कुटुंब निवृत्तीवेतनधारकांसाठी एक महत्त्वाची बातमी समोर आली आहे. नियमित पेन्शन सुरळीत सुरू राहावे यासाठी शासनाच्या निर्देशानुसार १७ ते २७ नोव्हेंबर २०२६ या कालावधीत जिल्हा कोषागार कार्यालय, जालना येथे “जीवनप्रमाण” ॲपद्वारे ऑनलाइन हयातीचे दाखले (डिजिटल लाईफ सर्टिफिकेट) सादर करण्यासाठी विशेष शिबिराचे आयोजन करण्यात आले आहे.

​जिल्हा कोषागार कार्यालयाच्या वतीने आयोजित या शिबिरामध्ये पेन्शनधारकांना ऑनलाइन हयात प्रमाणपत्र तयार करून देण्यात येणार आहे. सदर शिबिराचा लाभ घेण्यासाठी सर्व संबंधित निवृत्तीवेतनधारकांनी आपले आधार कार्ड, पीपीओ (PPO) क्रमांक, बँक खाते पुस्तिका आणि मोबाईल क्रमांक सोबत आणणे अनिवार्य आहे.

​महत्त्वाची अट आणि प्रशासनाचे निर्देश:

प्रशासन सूत्रांनी दिलेल्या माहितीनुसार, हे ऑनलाइन हयात प्रमाणपत्र यशस्वीरित्या सादर झाल्यानंतरच संबंधित निवृत्तीवेतनधारकांना डिसेंबर २०२६ चे निवृत्तीवेतन अदा केले जाणार आहे. विशेष म्हणजे, ज्या निवृत्तीवेतनधारकांनी १ नोव्हेंबरनंतर आपल्या संबंधित बँक शाखेत प्रत्यक्ष जाऊन कागदोपत्री हयात प्रमाणपत्रावर सही केली असेल, अशा पेन्शनधारकांनीसुद्धा आपले डिजिटल/ऑनलाइन हयात प्रमाणपत्र सादर करणे बंधनकारक असणार आहे.

​त्यामुळे जालना जिल्ह्यातील सर्व निवृत्तीवेतनधारक व कुटुंब निवृत्तीवेतनधारकांनी जिल्हा कोषागार कार्यालय, जालना येथे प्रत्यक्ष उपस्थित राहून या विशेष शिबिराचा जास्तीत जास्त लाभ घ्यावा, असे आवाहन जिल्हा कोषागार अधिकारी राजू डोके यांनी केले आहे.

D9 News मराठी

सूचना - ((D9 News हे आधुनिक युगातील एक अग्रगण्य डिजिटल न्यूज पोर्टल आहे. 'D' म्हणजे डिजिटल तंत्रज्ञान आणि '9' म्हणजे नवदृष्टी! सामाजिक बांधिलकी, सत्यता आणि आधुनिक तंत्रज्ञानाची जोड देऊन जनसामान्यांचे प्रश्न निर्भीडपणे मांडणे हेच आमचे ध्येय आहे.)) D9 news marathi च्या बातमी किंवा जाहिरातीमध्ये प्रसिद्ध झालेल्या मजकुराशी संपादक/संचालक सहमत असतीलच असे नाही. आम्ही MDMA चे सभासद असून माहिती तंत्रज्ञान विभागाअंतर्गत (मध्यस्थ मार्गदर्शन तत्वे आणि डिजिटल माध्यमे) नियम 2021 चे पालन करतो. या न्यूज वेबसाईटवर प्रकाशित मजकूर, बातमी, लेख, व्हिडीओ, इ. बाबत कोणताही आक्षेप अथवा तक्रार असल्यास d9newscomplaint@gmail.com वर संपर्क करावा.

Related Articles

Leave a Reply

Your email address will not be published. Required fields are marked *

Back to top button
बातमी कॉपी करायला तुम्ही आमचे काका लागता की मामा ??