देऊळगाव मही येथील सामाजिक कार्यकर्ते अरूण इंगळे यांना फुले -शाहू-आंबेडकर पुरस्कार जाहीर

देऊळगाव मही येथील सामाजिक कार्यकर्ते अरूण इंगळे यांना फुले -शाहू-आंबेडकर पुरस्कार जाहीर

बुलढाणा : गेल्या अनेक महिन्यांपासून सर्वदूर गाजावाजा होत असलेल्या व आपल्या वैशिष्ट्यपूर्ण आणि विविधांगी साहित्य जत्रेच्या आकर्षक उपक्रमासाठी दोन तपांपेक्षा जास्त कालावधीपासून आंतरराज्यीय ओळख निर्माण करणाऱ्या बहुजन साहित्य संघ, चिखली च्या प्रस्तावित बहुजन साहित्य संमेलनाच्या निमित्ताने

बहुजन समाज व परिसरातील सामाजिक, शैक्षणिक, सांस्कृतिक, कला, उद्योग, खेळ, मानवाधिकार संवर्धन वगैरे सारख्या विविध क्षेत्रातील समर्पित सेवाभावी कार्यासाठी 

 ” फुले -शाहू-आंबेडकर “

पुरस्कार काही मान्यवरांना प्रदान करण्यात येत असून या वर्षीच्या संतनगरी पंढरपूर येथे आयोजित सातव्या राज्यस्तरीय बहुजन साहित्य संमेलन सोहळ्यात प्रदान होणाऱ्या सामाजिक क्षेत्रातील पुरस्कारासाठी बुलढाणा जिल्ह्यातील देऊळगाव राजा तालुक्यातील देऊळगाव मही येथील दातृत्वशील सामाजिक व फुले आंबेडकरी चळवळीतील कार्यकर्ते मा. अरूण सखाराम इंगळे यांची निवड करण्यात आली असून सदर पुरस्कार त्यांना दि. २३-०८-२०२६ रोजी संपन्न होत असलेल्या पंढरपूर येथील सातव्या राज्यस्तरीय बहुजन साहित्य संमेलन सोहळ्यात मान्यवरांच्या हस्ते प्रदान करण्यात येणार आहे. त्याचे निमंत्रण पत्र मा. अरूण इंगळे यांना, आज दि. १०-०८-२०२६ रोजी महाराष्ट्रातील ज्येष्ठ व माय कविते साठी सुप्रसिद्ध असलेले बुलढाणा येथील कवी आयुष्मान सर्जेराव चव्हाण यांच्या प्रमुख उपस्थितीत, ब. सा. संघाचे संस्थापक अध्यक्ष व अंतर्राष्ट्रीय ख्यातनाम हरहुन्नरी कवी ॲड. विजयकुमार कस्तुरे, सचिव डॉ. डी. व्ही. खरात, प्रसिध्दी अधिकारी तथा संपादक रमेश खंडारे यांनी बुलढाणा येथे साई हॉटेल प्रांगणात सन्मानाने प्रदान केले. हा पुरस्कार त्यांच्या जनमानसातील समर्पित सेवाकार्याची पावतीच असून यानिमित्ताने त्यांचे सर्व स्तरांमधून अभिनंदन होत आहे.

संतनगरी पंढरीच्या पद्मनाभ पॅलेस हॉल येथे आयोजित करण्यात आलेल्या या संमेलनात सर्व मान्यवर साहित्यिक, लेखक, कवी, कथाकार व कलावंत इ. नी या भव्य साहित्य जत्रेत उपस्थित राहून प्रबोधनाचा लाभ घ्यावा असे आवाहन नम्रपणे करण्यात आले असून त्या संदर्भात इच्छुकांनी पुढील पदाधिकारी यांच्याशी संपर्क साधावा अशी विनंती केली आहे.

संपर्क – १- रवि पुष्पा वसंत सोनार, पंढरपूर – संयोजक – ९९२२५१४३००….. २ – डॉ. डी. व्ही. खरात, बुलढाणा ७७४४८११९८२….