Jalna, पारध : ‘नो करप्शन’! सिंचन विहिरी आणि घरकुलासाठी थेट ग्रामपंचायतीत करा ‘एंट्री’!
पारध बुद्रुकमध्ये कामगार दिन आणि महाराष्ट्र दिन उत्साहात; सिंचन विहिरी व घरकुल योजनेसाठी थेट प्रस्ताव सादर करण्याचे आवाहन
https://youtu.be/YB1sE_yPvdA?si=Jy-cJxc7EpVUYYJG
Jalna, पारध : ‘नो करप्शन’! सिंचन विहिरी आणि घरकुलासाठी थेट ग्रामपंचायतीत करा ‘एंट्री’!
पारध, दि. ०१: भोकरदन तालुक्यातील पारध बुद्रुक येथे ग्रामपंचायत कार्यालयासह विविध ठिकाणी कामगार दिन आणि महाराष्ट्र दिन मोठ्या उत्साहात संपन्न झाला.
याप्रसंगी माजी सभापती मनीष श्रीवास्तव, ग्रामविकास अधिकारी संजय पुरी, सरपंच सौ. शारदाबाई काकफळे, उपसरपंच शेखर श्रीवास्तव, ग्रामपंचायत सदस्य, अशा सेविका, अंगणवाडी कर्मचारी आणि ग्रामस्थांनी उत्स्फूर्तपणे सहभाग घेतला.
कार्यक्रमानंतर ‘D9 न्यूज’च्या प्रतिनिधींनी माजी सभापती मनीष श्रीवास्तव आणि ग्रामविकास अधिकारी संजय पुरी यांच्याशी संवाद साधला. त्यावेळी बोलताना माजी सभापती मनीष श्रीवास्तव यांनी गावातील सिंचन विहिरी आणि नवीन घरकुल योजनेसंदर्भात महत्वपूर्ण माहिती दिली.
माजी सभापती श्रीवास्तव यांनी ग्रामस्थांना स्पष्ट शब्दांत सांगितले की, “सिंचन विहिरी असोत किंवा नवीन घरकुल योजना, या कोणत्याही कामासाठी ग्रामपंचायतीच्या कोणत्याही कर्मचाऱ्याला एक रुपयाही देऊ नका. ज्या खऱ्या आणि इच्छुक लाभार्थ्यांना या योजनांचा लाभ घ्यायचा आहे, त्यांनी आपले अर्ज आणि प्रस्ताव थेट ग्रामपंचायतीमध्ये सादर करावेत. आम्ही निश्चितपणे कोणत्याही मध्यस्थाशिवाय सर्वांची कामे पूर्ण करू.”
यावेळी ग्रामविकास अधिकारी संजय पुरी यांनी सिंचन विहिरींच्या प्रस्तावांबद्दल माहिती देताना शेतकऱ्यांसाठी महत्त्वाचे आवाहन केले. ते म्हणाले, “ज्या शेतकरी बांधवांना सिंचन विहिरीची नितांत गरज आहे, त्यांनी विलंब न करता आपले प्रस्ताव त्वरित ग्रामपंचायतीमध्ये जमा करावेत.” त्याचबरोबर, नवीन घरकुल योजनेची माहिती देताना त्यांनी सांगितले की, “नवीन घरकुलासाठी इच्छुक असलेल्या सर्व लाभार्थ्यांनी येत्या १५ मे पर्यंत शासनाच्या मोबाईल ॲपद्वारे स्वतःच सेल्फ सर्वे करणे आवश्यक आहे.”
माजी सभापती मनीष श्रीवास्तव आणि ग्रामविकास अधिकारी संजय पुरी यांनी केलेल्या या स्पष्ट आवाहनामुळे पारध बुद्रुक गावातील विकासकामांना निश्चितच नवी गती मिळण्याची शक्यता आहे. ग्रामस्थांनी देखील या महत्वपूर्ण सूचनांचे पालन करून ग्रामपंचायतीला पूर्ण सहकार्य करावे, असे आवाहन करण्यात आले आहे. आता ‘नो करप्शन’च्या भूमिकेमुळे पारधमधील विकास थेट ग्रामस्थांच्या दारापर्यंत पोहोचणार, हे निश्चित!
