राजमाता जिजाऊ वेशभुषेतील मुलींनी राजमाता जिजाऊ यांच्या जिवन चरित्रावर टाकला प्रकाश

राजमाता जिजाऊ वेशभुषेतील मुलींनी राजमाता जिजाऊ यांच्या जिवन चरित्रावर टाकला प्रकाश

पारध, दि. 12: भोकरदन तालुक्यातील पारध येथील जिल्हा परिषद शाळा पारध येथे राजमाता जिजाऊ व स्वामी विवेकानंद यांची जयंती साजरी करण्यात आली. यावेळी राजमाता जिजाऊ वेशभुषेतील मुलींनी तसेच उपस्थितांनी राजमाता जिजाऊ यांच्या जिवन चरित्रावर प्रकाश टाकला

12 जानेवारी रोजी जिल्हा परिषद शाळा पारध बु येथे राजमाता जिजाऊ व स्वामी विवेकानंद यांची जयंती मोठया उत्साहात साजरी करण्यात आली. यावेळी राजमाता जिजाऊ व स्वामी विवेकानंद यांच्या प्रतिमेस पुष्पहार अर्पण करुन अभिवादन करण्यात आले. जिल्हा परिषदेच्या विद्यार्थींनी कु जानवी किशोर देशमुख व प्रगती रमेश लोखंडे यांनी राजमाता जिजाऊ यांच्या जिवन चरित्रावर प्रकाश टाकला. तसेच कु. तन्वी तबडे या विद्यार्थींनीने राजमाता जिजाऊ यांच्या भुमिकेत जिजाऊच्या जिवन चरित्रावर प्रकाश टाकला.

शाळेचे मुख्याध्यापक सोनुने सर तसेच राष्ट्रपती पुरस्कार प्राप्त माजी केंद्रप्रमुख समाधान लोखंडे यांचे मार्गदर्शन मिळाले. यावेळी पंचायत समितीचे मा. सभापती परमेश्वर पाटील लोखंडे , शेषराव लोखंडे, शरद आबा देशमुख, रविंद्र लोखंडे, रामसिंग ठाकूर, सुभाष तबडे, शंकर भोरकडे, नितीन लोखंडे, देवेंद्र लोखंडे, पवन लोखंडे, कुलदीप देशमुख, विनोद लोखंडे, विजय भोरकडे हमीद पठाण, अमोल जहगीरदारसह नागरिक मोठया संख्येने उपस्थित होते. ह्या कार्यक्रमाचा समारोप गावंडे सर यांनी केला.