बुलढाणा: ‘शांती निसर्गोपचार केंद्र धाड’च्या संचालिका डॉ. शामल जाधव यांना ‘निसर्गोपचार गौरव सन्मान पुरस्कार’ प्रदान
By अनिल जाधव
बुलढाणा: ‘शांती निसर्गोपचार केंद्र धाड’च्या संचालिका डॉ. शामल जाधव यांना ‘निसर्गोपचार गौरव सन्मान पुरस्कार’ प्रदान
बुलढाणा (विशेष प्रतिनिधी): आयुष इंटरनॅशनल मेडिकल असोसिएशन आणि AGMA व YNCA यांच्या संयुक्त विद्यमाने बुलढाणा येथील भातृमंडळ हॉलमध्ये ‘निसर्गोपचार गौरव सन्मान सोहळा’ उत्साहात पार पडला. या राज्यस्तरीय कार्यक्रमात निसर्गोपचार पद्धतीचा वापर करून रुग्णसेवा देणाऱ्या तज्ज्ञ डॉक्टरांचा विशेष गौरव करण्यात आला.
या सोहळ्यात धाड परिसरामध्ये निसर्गोपचार क्षेत्रात उल्लेखनीय कामगिरी करणाऱ्या ‘शांती निसर्गोपचार केंद्र’ धाडच्या संचालिका डॉ. शामल अनिल जाधव (बोर्डे) यांना ‘निसर्गोपचार गौरव सन्मान पुरस्कार’ देऊन सन्मानित करण्यात आले.
हा पुरस्कार आयुष इंटरनॅशनल मेडिकल असोसिएशन व AGMA & YNCA चे राष्ट्रीय अध्यक्ष डॉ. बाबूराव कानडे, अध्यक्ष डॉ. सतीश कराळे आणि उपाध्यक्ष डॉ. नितीनराजे पाटील यांच्या प्रमुख उपस्थितीत प्रदान करण्यात आला.
या कार्यक्रमास संपूर्ण महाराष्ट्रातून विविध निसर्गोपचार तज्ज्ञ व वैद्यकीय क्षेत्रातील मान्यवर मोठ्या संख्येने उपस्थित होते. आरोग्य क्षेत्रात उत्कृष्ट सेवा दिल्याबद्दल डॉ. शामल जाधव यांच्यावर धाड परिसरासह संपूर्ण जिल्ह्यातून अभिनंदनाचा वर्षाव होत आहे.
