औषध विक्रेत्यांच्या संपाबाबत नागरिकांना आवाहन
जालना, दि. 18 : अखिल भारतीय औषध विक्रेता संघटनेच्या वतीने दि. 20 मे 2026 रोजी देशव्यापी संप पुकारण्यात आल्याची माहिती अन्न व औषध प्रशासन विभागाला प्राप्त झाली आहे. या पार्श्वभूमीवर नागरिकांनी आवश्यक ती खबरदारी घ्यावी, असे आवाहन प्रशासनाकडून करण्यात आले आहे.
अन्न व औषध प्रशासन विभागाने संबंधित संघटनेच्या सभासदांना संपामध्ये सहभागी होऊ नये, यासाठी पत्राद्वारे विनंती केली आहे. मात्र, नियमित औषधोपचार सुरू असलेल्या रुग्णांनी तसेच त्यांच्या नातेवाईकांनी संभाव्य गैरसोय टाळण्यासाठी आवश्यक औषधांचा आगाऊ साठा करून ठेवावा, असे सांगण्यात आले आहे.
संपाच्या कालावधीत गरजू रुग्णांना औषधे उपलब्ध न झाल्यास किंवा अत्यावश्यक औषधांची गरज भासल्यास नागरिकांनी अन्न व औषध प्रशासन कार्यालयातील सहाय्यक आयुक्त (औषधे) श्री. जी. डी. जाधव यांच्याशी 8379016068 या क्रमांकावर संपर्क साधावा, असे आवाहन सहाय्यक आयुक्त (औषधे) जी. डी. जाधव यांनी केले आहे.
