वार्षिक स्नेहसंमेलनात शाळेचा गोंधळ ठरला लक्षवेधी

वार्षिक स्नेहसंमेलनात शाळेचा गोंधळ ठरला लक्षवेधी

लेहा (प्रतिनिधी): भोकरदन तालुक्यातील जिल्हा परिषद केंद्रीय प्राथमिक शाळा जळगाव सपकाळ येथे नुकतेच वार्षिक स्नेहसंमेलन दिमाखात पार पडले असून या दरम्यान शाळेचा गोंधळ या गोंधळाच्या सादरीकरणाने सर्वांचे लक्ष वेधून घेतले.

या कार्यक्रमाचे उद्घाटन शिक्षण विभागाचे तालुका गटसमन्वयक शेणफड नेव्हार असून प्रमुख पाहुणे शिक्षणविस्तार अधिकारी बी एल बडगे,जि प सदस्या सुनिता सपकाळ, सरपंच कु विशाखा साळवे,प्रा.शा.लेहाचे मुख्याध्यापक एस जी पवार, केंद्रप्रमुख बी यू सपकाळ, गोकुळ सपकाळ, रमेशराव सपकाळ आदी होते.

उद्घाटनानंतर राज्यस्तरीय चतुर्थचरण कबबुलबुल परीक्षेत यशस्वी झालेल्या एकूण १२ विद्यार्थ्यांसह मार्गदर्शक सुभाष साबळे या शिक्षकाचे मान्यवरांच्या हस्ते सत्कार करण्यात आला.शिक्षणविस्तार बी एल बडगे यांनी जि प केंद्रशाळा जळगांव सपकाळ ही शाळा उपक्रमशील शाळा असून गुणवत्तेकडे वाटचाल करत आहे असे गौरवोद्गार काढले.

मोबाईलचे वेड, व्यसनमुक्ती, शेतकरी आत्महत्या, सामाजिक ऐक्य,अशा अनेक विषयांवर नाटीका, नृत्य, काॅमेडी डान्स विद्यार्थ्यांचे होताना शाळेचे उपक्रमशील शिक्षक श्री साबळे गुरुजींनी पारंपरिक गोधळी वेशभूषेत दुसरीच्या विद्यार्थ्यांसोबत शाळेचा लेखाजोखा स्वरचित गोंधळातून मांडला आणि सर्वांचे लक्ष वेधून घेतले. शाळा व्यवस्थापन समितीने उपस्थितीत सर्व मान्यवरांचे स्वागत केले.तसेच कार्यक्रमाचे प्रास्ताविक अशोक आराक यांनी केले असून शाळेचे मुख्याध्यापक नासेर शेखसर व सर्व शिक्षकवृंद, शाळा व्यवस्थापन समितीचे अध्यक्ष गोकुळभाऊ सपकाळ, उपाध्यक्ष रामेश्वर दौड तसेच सर्व सदस्य यांच्या मार्गदर्शनाखाली हा कार्यक्रम मोठ्या उत्साहात पार पडला आणि गावकऱ्यांनी बक्षिसाचा वर्षाव करत बालकलाकार विद्यार्थ्यांचे कौतुक केले.