यशस्वी कबबुलबुलचे गटशिक्षणाधिकारीने केले कौतुक; शाळेची गुणवत्तेकडे वाटचाल –गशिअ
By तेजराव दांडगे
यशस्वी कबबुलबुलचे गटशिक्षणाधिकारीने केले कौतुक; शाळेची गुणवत्तेकडे वाटचाल –गशिअ
लेहा (प्रतिनिधी) भोकरदन तालुक्यातील जिल्हा परिषद केंद्रीय प्राथमिक शाळा जळगाव सपकाळ येथील भारत स्काऊट गाईड अंतर्गत बालशिवबा कबपथकातील राज्यस्तरीय चतुर्थचरण कबबुलबुल परीक्षेत एकूण बारा विद्यार्थी गेल्या शैक्षणिक वर्षात यशस्वी झाले असून त्या यशस्वी विद्यार्थ्यांचा गुणगौरव प्रजासत्ताक दिनानिमित्त जालना जिल्ह्याचे पालकमंत्री श्रीम पंकजाताई मुंडे यांच्या हस्ते प्रशस्तीपत्र देऊन गौरविण्यात आले होते.तसेच परतूर येथे नुकतेच जिल्हा स्काऊट गाईड मेळाव्यात माजी पालकमंत्री तथा परतूरचे आमदार बबनराव लोणीकर यांच्या हस्ते प्रशस्तीपत्र व सन्मानचिन्ह देऊन कौतुक केले.
विधानपरिषद सदस्य तथा मंठा -तालुक्याचे आमदार राजेशभैय्या राठोड यांनीही कौतुकाची थाप दिली, याबद्दल भोकरदन पंचायत समितीचे शिक्षण विभागाचे गटशिक्षणाधिकारी डॉ भरत वानखेडे यांनीही प्रत्यक्षपणे आणि पत्राद्वारे मार्गदर्शक शाळेचे मुख्याध्यापक नासेर शेखसर, कबमास्टर सुभाष साबळे व सर्व शिक्षकवृंद आणि शाळा व्यवस्थापन समितीचे अभिनंदन करुन पुढील वाटचालीस शुभेच्छा दिल्या. यावर्षी सदर यशस्वी विद्यार्थी राष्ट्रीय सुवर्णबाण कबबुलबुल परिक्षेची तयारी करीत आहेत.
