अमळनेर शहराच्या बदलत्या रुपात आता सर्व चौक ठरणार सौंदर्याचे ताज..
वैशिष्ट्यपूर्ण योजनेंतर्गत दहा चौकाच्या सुशोभिकारणा साठी २ कोटींचा निधी,आ.शिरीष चौधरींनी केली संकल्पपूर्ती,शहराच्या सौंदर्यात पडणार कमालीची भर
अमळनेर ( प्रतिनिधी) गेल्या चार वर्षात शहरात उल्लेखनीय कामे करून नवीन रूप देण्याचा प्रयत्न आ शिरीष चौधरी यांनी केल्यानंतर आता प्रत्येक प्रमुख चौकास सौंदर्याचा ताज बनविण्याची वाटचाल होत असून यामुळे शहराला आता नवीन ओळख प्राप्त होणार आहे. आ.चौधरींच्या या संकल्पपूर्तीसाठी महाराष्ट्र शासनाच्या नगरविकास विभागाच्या वतीने वैशिष्ट्यपूर्ण योजनेंतर्गत २ कोटींचा निधी प्राप्त झाला आहे,या कामामुळे शहराच्या सौंदर्यात विशेष भर पडून आमदारांची संकल्पपूर्ती होणार आहे.
या कामाच्या मंजुरीमुळे आ चौधरी यांनी राज्याचे मुख्यमंत्री देवेंद्र फडणवीस यांचे विशेष आभार व्यक्त केले आहेत. या कामांसाठी आ.चौधरी यांनी थेट मुख्यमंत्र्यांकडे सतत पाठपुरावा केल्याने त्यांच्या प्रयत्नांना यश येऊन नगर विकास विभागाच्या दि.२० नोव्हेंम्बर २०१७ रोजी च्या शासन निर्णयान्वये २ कोटी निधी वैस्थिष्ट्यपूर्ण योजनेंतर्गत मंजूर होऊन हा निधी अमळनेर न.पा.स प्राप्त झाला होता. मात्र हि कामे पारदर्शी व चांगल्या प्रतीची होण्यासाठी आमदारांच्याच मागणीनुसार हा निधी दि ११ एप्रिल २०१८ रोजी सार्वजनिक बांधकाम विभागाकडे वर्ग झाला होता.यानंतर आ चौधरी यांनी पुन्हा मुख्यमंत्री देवेंद्र फडणवीस यांना दि ११ जुलै २०१८ रोजी पत्र देऊन बांधकाम विभागाकडे उपलब्ध असलेल्या २ कोटी निधीतून प्रस्तावित असलेली १० चौक सुशोभीकरण आणि रुंदीकरणाची कामे होण्यासाठी आपल्या स्तरावरून संबधित अधिकाऱ्यांना आदेशात करावे अशी विनंती केली होती.अखेर त्यांचे प्रयत्न सफल ठरून याच निधीतून प्रस्तावित कामे करण्याचे आदेश झाले असुंन लवकरच टेंडर प्रोसेस नंतर प्रत्यक्ष कामास सुरुवात होणार आहे.
या चौकाचे होणार सुशोभिकरण व रुंदीकरण
१) आर के नगर चौकाचे रुंदीकरण सुशोभीकरण व विद्युतीकरण करणे २० लाख,
२) कृषी उत्पन्न बाजार समिती चौकाचे रुंदीकरण सुशोभीकरण व विद्युतीकरण करणे २० लाख.
३) अरिहंत मेडिकल समोरील चौकाचे रुंदीकरण सुशोभीकरण व विद्युतीकरण करणे २० लाख.
४) महाराणा प्रताप चौक व संत गाडगेबाबा चौकाचे रुंदीकरण सुशोभीकरण व विद्युतीकरण करणे २० लाख.
५) फरशी पुलाजवळील संत सखाराम महाराज मंदिरा कडे जाणाऱ्या चौकाचे रुंदीकरण सुशोभीकरण व विद्युतीकरण करणे २० लाख.
६) फरशी पुलाजवळील संत सखाराम महाराज मंदिरा कडे जाणाऱ्या चौकाजवळील हेडावे फाट्याचे रुंदीकरण सुशोभीकरण व विद्युतीकरण करणे २० लाख.
७) नेताजी सुभाषबाबू चौकाचे रुंदीकरण सुशोभीकरण व विद्युतीकरण करणे २० लाख.
८) मंगलमूर्ती पतपेढी जवळील चौकांचे रुंदीकरण सुशोभीकरण व विद्युतीकरण करणे २० लाख.
९) भारतीय स्टेट बँक जवळील चौकांचे रुंदीकरण सुशोभीकरण व विद्युतीकरण करणे २० लाख.
१०) पाच कंदील चौकांचे रुंदीकरण सुशोभीकरण व विद्युतीकरण करणे २० लाख.
प्रत्येकी २० लाख निधीतून या १० चौकाचे सुशोभिकरण व रुंदीकरण होणार आहे, विशेष म्हणजे कोणताही दुजाभाव न करता जवळपास प्रत्येक चौकाचा समावेश करण्याचा प्रयत्न आमदारांनी केला आहे, थोर महापुरुषांच्या नावाने असलेल्या या चौकाना आता खऱ्या अर्थाने नवे रूप मिळणार आहे.आ चौधरी यांनी गेल्या चार वर्षात शहरात शिवाजी उद्यान सुशोभीकरण, जॉगिंग ट्रॅक,छत्रपतीं शिवराय पुतळा,डॉ बाबासाहेब आंबेडकर पुतळा आदी उल्लेखनीय कामे करून शहरात नवीन ओळख देण्याचा प्रयत्न केला व आता चौक सुशोभिकारणासाठी पाऊल उचलला या विशेष योगदानामुळे आ.चौधरी यांचे नागरिकांतून कौतुक होत आहे.
