मराठा क्रांती मोर्चा निमित्त 10 जानेवारी रोजी वाहतूक मार्गात बदल

मराठा क्रांती मोर्चा निमित्त 10 जानेवारी रोजी वाहतूक मार्गात बदल

जालना, दि.09: मराठा क्रांती मोर्चा आणि समविचारी संघटना वतीने शुक्रवार दिनांक 10 जानेवारी 2025 रोजी 11.00 वाजता संभाजी महाराज पुतळा मोतीबाग जालना ते जिल्हाधिकारी कार्यालय जालना व अंबड चौफुली येथील हॉटेल शिवनेरी पर्यंत न्याय महाजन आक्रोश मोर्चाचे आयोजन करण्यात आलेले आहे, सदर ठिकाणी पोहचल्यानंतर मोर्चेचे रुपांतर सभेमध्ये होणार आहे. सदर मोर्चा व सभेच्या वेळी मोर्चास अडथळा निर्माण होवू नये. रस्ता मोकळा राहावा व रस्त्यावर वाहने उभी राहुन मार्गात अडथळा निर्माण होवून कायदा व सुव्यवस्थेचा प्रश्न निर्माण होवु नये, या दृष्टीने वाहतुकीचे नियमनासाठी या मार्गावरील वाहतुकीस पर्यायी मार्गाने वळविण्यात आली आहे.महाराष्ट्र पोलीस अधिनीयम 1951 चे कलम 36 अन्वये पोलीस अधिक्षक अजय कुमार बंसल खालील प्रमाणे जालना शहरातील वाहतुक नमुद पर्यायी मार्गान कळविण्याचे आदेश पारीत केले आहेत.

शुक्रवार, दि. 10 जानेवारी 2025 रोजी सध्याचा प्रचलित मार्ग – NH-753 अंबड चौफुली जालना- मोतीबाग – छत्रपती संभाजीनगर जालना पर्यायी मार्ग- बीड, अंबड, मंठा कडुन येणारी वाहतुक व छत्रपती संभाजीनगर कडे जाणारी वाहतुक ही मंठा चौफुली- नाव्हा चौफुली देऊळगांव राजा चौफुली- कन्हैयानगर चौफुली भोकरदन चौफुली ग्रेडर टि पॉइंट मार्गे छ. संभाजीनगरकडे जाईल व येईल.

वरील आदेश दिनांक 10 जानेवारी,2025 रोजी सकाळी 9.00 वाजेपासुन मराठा क्रांती मोर्चा व सभा संपेपर्यत अंमलात राहील.असे आदेश पोलीस अधीक्षक अजय कुमार बंसल यांनी प्रसिध्दीपत्रकाद्वारे दिले आहे.