भोकरदन पोलिसांची धडक कारवाई: ६१ लाख ५६ हजारांचा प्रतिबंधित गुटखा आणि आयशर टेम्पो जप्त; दोन जणांवर कारवाई

भोकरदन पोलिसांची धडक कारवाई: ६१ लाख ५६ हजारांचा प्रतिबंधित गुटखा आणि आयशर टेम्पो जप्त; दोन जणांवर कारवाई

​भोकरदन (विशेष प्रतिनिधी): जालना जिल्ह्यातील भोकरदन पोलिसांनी मानवी आरोग्यास घातक असणाऱ्या प्रतिबंधित सुगंधीत पानमसाला आणि गुटख्याच्या बेकायदेशीर वाहतुकीविरोधात मोठी कारवाई केली आहे. १२ ऑगस्ट २०२६ रोजी सिल्लोड ते भोकरदन रस्त्यावर सापळा रचून पोलिसांनी ६१ लाख ५६ हजार २५० रुपये किमतीचा मुद्देमाल जप्त केला असून दोन जणांवर गुन्हा नोंदवला आहे.

​गुप्त बातमीदाराच्या माहितीवरून साईप्रसाद हॉटेलजवळ कारवाई

​पोलीस ठाणे भोकरदनचे प्रभारी अधिकारी सहाय्यक पोलीस निरीक्षक (API) राहुल बांगर यांना गुप्त बातमीदाराकडून बातमी मिळाली होती की, एका आयशर टेम्पो (क्र. RJ 09 GE 7411) मधून सिल्लोडकडून भोकरदनकडे बंदी असलेला सुगंधीत पानमसाला विक्रीसाठी आणला जात आहे.

​या खात्रीलायक माहितीच्या आधारे उपविभागीय पोलीस अधिकारी (SDPO) नितीन कटेकर यांना अवगत करून पोलीस पथकाने सिल्लोड-भोकरदन रस्त्यावरील साईप्रसाद हॉटेलजवळ खाजगी वाहनाने सापळा रचला. संशयित आयशर टेम्पो येताना दिसताच पोलिसांनी पाठलाग करून वाहनाला थांबवले.

​६१ लाख ५६ हजार रुपयांचा मुद्देमाल हस्तगत

​वाहनाची झडती घेतली असता त्यामध्ये महाराष्ट्र राज्यात बंदी असलेला मोठ्या प्रमाणावर ‘राजनिवास सुगंधीत पानमसाला’ आणि ‘ZN-1 जाफरानी जर्दा’ तंबाखूच्या गोण्या मिळून आल्या. वाहनावरील चालकाने हा माल भोकरदन येथील फिरोजखान याला पुरवण्यासाठी घेऊन जात असल्याचे निष्पन्न झाले.

​जप्त केलेला मुद्देमाल:

१. सुगंधीत पानमसाला: २१,९३,७५० रुपये

२. जाफरानी जर्दा (तंबाखू): १४,६२,५०० रुपये

३. आयशर टेम्पो (RJ 09 GE 7411): २५,००,००० रुपये

🔹 एकूण मुद्देमाल: ६१,५६,२५० रुपये

​आरोपीतांची नावे:

​१. विद्याराम श्यामलाल कश्यप (वय ४६, रा. निनवया, दौलताबाद, आग्रा, उत्तर प्रदेश – वाहन चालक)

२. फिरोजखान मेहमुद खान (रा. भोकरदन, ता. भोकरदन, जि. जालना)

​पोलीस पथकाची कामगिरी

​सदर धडक कामगिरी पोलीस अधीक्षक अजयकुमार बोरकर, अपर पोलीस अधीक्षक डॉ. वैशाली कडुकर, आणि उपविभागीय पोलीस अधिकारी डॉ. नितीन कटेकर यांच्या मार्गदर्शनाखाली सपोनि राहुल बांगर, पोउपनि प्रकाश शेळके, पोउपनि सागर शिंदे, पोना प्रशांत उबाळे, शिवाजी जाधव, गणेश पिंपळकर, अर्जुन टेकाळे, शरद शिंदे, इंदल बमनावत, रानगोते, संतोष बनकर आणि चरणसिंगल यांच्या पथकाने केली आहे.