पिंपळगाव रेणुकाई ग्रामपंचायतीत महात्मा जोतिराव फुले यांची जयंती उत्साहात साजरी
By गौतम वाघ
पिंपळगाव रेणुकाई ग्रामपंचायतीत महात्मा जोतिराव फुले यांची जयंती उत्साहात साजरी
पिंपळगाव रेणुकाई (प्रतिनिधी – गौतम वाघ): शिक्षणाचा प्रकाश प्रत्येक घरापर्यंत पोहोचवणारे, स्त्री-शिक्षणाची मुहूर्तमेढ रोवणारे आणि समाजातील अन्यायाविरुद्ध निर्भीडपणे लढा देणारे क्रांतिसूर्य महात्मा जोतिराव फुले यांची जयंती पिंपळगाव रेणुकाई येथील ग्रामपंचायत कार्यालयात मोठ्या उत्साहात साजरी करण्यात आली.
प्रतिमा पूजन आणि अभिवादन
कार्यक्रमाच्या सुरुवातीला ज्येष्ठ पत्रकार शालीकराम आहेर यांच्या हस्ते महात्मा जोतिराव फुले यांच्या प्रतिमेस पुष्पहार अर्पण करून आणि नारळ फोडून विनम्र अभिवादन करण्यात आले. यावेळी उपस्थितांनी महात्मा फुलेंच्या ‘सत्यशोधक’ विचारांचा जयघोष केला.
मान्यवरांची उपस्थिती
याप्रसंगी सरपंच संतोष बोर्डे, पंडित बोर्डे, ग्रामपंचायत कर्मचारी विनोद आहेर, सानू गुप्ता, प्रदीप आहेर, रामेश्वर काळे यांची प्रमुख उपस्थिती होती. तसेच पत्रकारितेच्या क्षेत्रातील मान्यवर शालीकराम आहेर (तालुका प्रतिनिधी, दैनिक कर्मवीर), गणेशराव खिस्ते (दैनिक पोलीस न्यूज), रामराजे ढमाले (दैनिक नवराष्ट्र), गणेश सास्ते (दैनिक देशोन्नती), हारिष सपकाळ (दैनिक पार्श्वभूमी) यांच्यासह गावातील नागरिक मोठ्या संख्येने उपस्थित होते.
विचारांचा वारसा पुढे नेण्याचा संकल्प
महात्मा फुले यांनी समाजप्रबोधन, शिक्षण आणि समतेसाठी केलेले कार्य आजही समाजाला दिशा देणारे आहे. त्यांच्या स्मृतीनिमित्त अभिवादन करतानाच, त्यांच्या कार्याचा वारसा पुढे नेण्याचा आणि समाजातील प्रत्येकाला शिक्षणाच्या प्रवाहात आणण्याचा संकल्प यावेळी व्यक्त करण्यात आला. ग्रामपंचायतीच्या या उपक्रमाचे परिसरात कौतुक होत आहे.
