सुनिल थोरात (प्रतिनिधी)
पुणे : जागतिक एड्स दिनाचे औचित्य साधत जिल्ह्यात जनजागृतीपर पंधरवड्याचे आयोजन करण्यात आले असून औंध रुग्णालयाचे एडस् प्रतिबंध व नियंत्रण विभाग व पुणे शहर एड्स कंट्रोल सोसायटी यांच्या संयुक्त विद्यमाने बुधवार पेठ रामेश्वर मार्केट येथे लक्षगट भगिनीकरीता एड्स व लैंगिक आरोग्य जनजागृती करीता मेळावा आयोजित करण्यात आला.
यावेळी जिल्हा कार्यक्रम अधिकारी सुधीर सरवदे एडस् संसर्गितांचे मूलभूत हक्क प्रदान करणारा एड्स प्रतिबंध व नियंत्रण कायदा, लैंगिक आरोग्य आदीबाबत माहिती दिली. यावेळी उपस्थित महिलांच्या शंकाचे निरसन करण्यात आले.
पुणे शहर एड्स नियंत्रण सोसायटीचे कर्मचारी, आयसीटीसी व डीएसआसी विभाग ससून रुग्णालय, सोनावणे रुग्णालय, दळवी रुग्णालय, औंध रुग्णालयाचे कर्मचारी, जॉन पॉल स्लम डेव्हलपमेंट प्रोजेक्ट, मंथन फाउंडेशन, रिलीफ फाउंडेशन या अशासकीय संस्थेचे पदाधिकारी आदी उपस्थित होते.
सूचना - ((D9 News हे आधुनिक युगातील एक अग्रगण्य डिजिटल न्यूज पोर्टल आहे. 'D' म्हणजे डिजिटल तंत्रज्ञान आणि '9' म्हणजे नवदृष्टी! सामाजिक बांधिलकी, सत्यता आणि आधुनिक तंत्रज्ञानाची जोड देऊन जनसामान्यांचे प्रश्न निर्भीडपणे मांडणे हेच आमचे ध्येय आहे.)) D9 news marathi च्या बातमी किंवा जाहिरातीमध्ये प्रसिद्ध झालेल्या मजकुराशी संपादक/संचालक सहमत असतीलच असे नाही. आम्ही MDMA चे सभासद असून माहिती तंत्रज्ञान विभागाअंतर्गत (मध्यस्थ मार्गदर्शन तत्वे आणि डिजिटल माध्यमे) नियम 2021 चे पालन करतो. या न्यूज वेबसाईटवर प्रकाशित मजकूर, बातमी, लेख, व्हिडीओ, इ. बाबत कोणताही आक्षेप अथवा तक्रार असल्यास d9newscomplaint@gmail.com वर संपर्क करावा.
बातमी कॉपी करायला तुम्ही आमचे काका लागता की मामा ??
