पारध बुद्रुक येथे डॉ. बाबासाहेब आंबेडकर यांची १३५ वी जयंती उत्साहात संपन्न; सामाजिक सलोख्याचा संदेश

पारध बुद्रुक येथे डॉ. बाबासाहेब आंबेडकर यांची १३५ वी जयंती उत्साहात संपन्न; सामाजिक सलोख्याचा संदेश

​पारध (प्रतिनिधी – तेजराव दांडगे): भारतीय राज्यघटनेचे शिल्पकार भारतरत्न डॉ. बाबासाहेब आंबेडकर यांची १३५ वी जयंती आज भोकरदन तालुक्यातील पारध बुद्रुक येथे अत्यंत उत्साहात आणि शिस्तबद्ध वातावरणात साजरी करण्यात आली. या निमित्ताने आयोजित विविध कार्यक्रमांनी आणि मान्यवरांच्या प्रबोधनात्मक विचारांनी जयंती सोहळा यशस्वी ठरला.

​पंचशील आणि निळ्या ध्वजाचे ध्वजारोहण

​कार्यक्रमाची सुरुवात धम्मचक्र प्रवर्तन आणि ध्वजारोहणाने झाली. पंचशील ध्वजाचे ध्वजारोहण आर. एस. महाविद्यालयाचे अधीक्षक किशोर वाघ यांच्या हस्ते करण्यात आले. तर, निळ्या ध्वजाचे ध्वजारोहण केळना अजिंठा शिक्षण संस्थेचे सचिव उदयसिंह लोखंडे यांच्या हस्ते डौलात पार पडले. यावेळी उपस्थितांनी भीमरायांच्या प्रतिमेस अभिवादन करून जयभीमचा जयघोष केला.

​मान्यवरांनी मांडले विचार; शांततेचे आवाहन

​याप्रसंगी आयोजित विचारसभेत विविध मान्यवरांनी डॉ. बाबासाहेब आंबेडकरांच्या जीवनकार्यावर प्रकाश टाकला.

​स.पो.नि. संतोष माने: सहाय्यक पोलीस निरीक्षक संतोष माने यांनी उपस्थितांशी संवाद साधताना ‘जयंतीचा उत्सव शांततेत आणि कायद्याचे पालन करून साजरा करावा’ असे आवाहन केले.

​संग्राम देशमुख: राष्ट्रवादी काँग्रेसचे जिल्हा सरचिटणीस संग्राम देशमुख यांनी बाबासाहेबांच्या संविधानातील योगदानावर भाष्य केले.

​इतर मान्यवर: शिवसेना जिल्हाप्रमुख मनीष श्रीवास्तव, गुजरात फिल्म सिटीचे सिने अभिनेता जॉकी शाह, निवृत्त शिक्षक समाधान लोखंडे, शिक्षक विवेक अवसरमोल यांनीही आपले विचार व्यक्त केले. चिमुकल्या सृष्टी समाधान सुरडकर हिच्या भाषणाने उपस्थितांची मने जिंकली.

​मोठी उपस्थिती आणि समारोप

​कार्यक्रमाचे सूत्रसंचालन युवा पत्रकार विकास लोखंडे यांनी केले. कार्यक्रमाची सांगता मानवानंदाने करण्यात आली. या सोहळ्यासाठी पारध परिसरातील शेकडो समाजबांधव, प्रतिष्ठित नागरिक, विविध राजकीय पक्षांचे पदाधिकारी आणि पत्रकार बांधव, पोलीस कर्मचारीसह ग्रामस्थ मोठ्या संख्येने उपस्थित होते.