पान मसाला जाहिरात वाद: तुकाराम मुंडेंच्या धडक कारवाईवर राष्ट्रपती भवनातून शिक्कामोर्तब!
Pan Masala advertisement controversy: Rashtrapati Bhavan approves Tukaram Munde's strong action!
पान मसाला जाहिरात वाद: तुकाराम मुंडेंच्या धडक कारवाईवर राष्ट्रपती भवनातून शिक्कामोर्तब!
विशेष बातमी (D9 News Marathi): महाराष्ट्रातील अत्यंत कडक आणि प्रामाणिक प्रशासकीय अधिकारी तुकाराम मुंडे यांनी पुन्हा एकदा धडक कारवाई करत भ्रष्ट यंत्रणा व कायद्याचे उल्लंघन करणाऱ्यांना दणका दिला आहे. अन्न व औषध प्रशासन (FDA) विभागाच्या माध्यमातून त्यांनी थेट बॉलिवूडचे दिग्गज अभिनेते शाहरुख खान, अजय देवगण आणि टायगर श्रॉफ यांना ‘कारणे दाखवा’ (Show Cause) नोटीस बजावली आहे.
‘जुबा केसरी’च्या नावाखाली छुप्या जाहिरातींचा खेळ!
महाराष्ट्रात गुटखा आणि पान मसाल्याच्या विक्री व प्रसारावर पूर्णपणे बंदी आहे. तरीही, इलायची किंवा सुपाडीच्या नावाखाली छुप्या पद्धतीने (Surrogate Advertising) पान मसाल्याचा प्रसार करून तरुणाईला व्यसनाधीनतेकडे लोटले जात असल्याचे चित्र समोर आले होते. या प्रकाराची गंभीर दखल घेत तुकाराम मुंडे यांनी कायद्याचा बडगा उघारला आणि स्पष्ट मेसेज दिला की, “तुम्ही पडद्यावर कितीही मोठे कलाकार असाल, तरी कायद्यासमोर सर्व समान आहेत.”
तपासादरम्यान दोन अभिनेत्यांनी या नोटिसीला उत्तर दिले, परंतु एका अभिनेत्याने उत्तर न दिल्याने त्यांच्यावर FSSAI (भारतीय अन्न सुरक्षा व मानके प्राधिकरणा) कडून थेट कायदेशीर खटला चालवण्याची प्रक्रिया सुरू करण्यात आली आहे.
राष्ट्रपती द्रौपदी मुर्मू यांच्या वक्तव्याने कारवाईला नैतिक बळ!
या संपूर्ण प्रकरणाला देशाच्या सर्वोच्च पदावरून म्हणजेच राष्ट्रपती भवनातून अत्यंत मोठे वैचारिक समर्थन मिळाले आहे. गुजरात येथील ७२ व्या राष्ट्रीय चित्रपट पुरस्कार सोहळ्यात बोलताना देशाच्या राष्ट्रपती द्रौपदी मुर्मू यांनी कलाकारांच्या सामाजिक जबाबदारीवर अत्यंत कडक शब्दांत भाष्य केले.
राष्ट्रपती म्हणाल्या, “लोकप्रिय कलाकारांचा विशेषतः तरुणांवर खूप मोठा प्रभाव असतो. त्यामुळे कलाकारांनी आरोग्यास घातक ठरणाऱ्या कोणत्याही उत्पादनाची जाहिरात करू नये.”
सभागृहात टाळ्यांच्या कडकडाटात पुढे बोलताना त्या म्हणाल्या,
“प्रकाश पसरवतो तोच खरा स्टार असतो, अंधार पसरवणारा कधीही स्टार होऊ शकत नाही!”
D9 News Marathi चे आवाहन:
करोडो रुपयांच्या शुल्कासाठी (फी) तंबाखूजन्य व आरोग्यास घातक उत्पादनांचा प्रचार करणाऱ्या सेलिब्रिटींना ‘आयडॉल’ किंवा ‘स्टार’ मानायचे का? असा प्रश्न आता उपस्थित होत आहे. एकीकडे पैशांसाठी तरुणाईला कर्करोगाच्या जाळ्यात ओढणारे अभिनेते आहेत, तर दुसरीकडे तुकाराम मुंडेंसारखे कर्तव्यदक्ष अधिकारी आणि त्यांना बळ देणाऱ्या देशाच्या राष्ट्रपती आहेत.
सार्वजनिक आरोग्य आणि सामाजिक हितासाठी D9 News Marathi अशा कठोर कारवायांचे स्वागत करते आणि नागरिकांना व्यसनमुक्त राहण्याचे आवाहन करते.
