पारध बुद्रुक येथे ७७ वा प्रजासत्ताक दिन उत्साहात साजरा; स्व. राजेंद्रजी श्रीवास्तव विद्यालयात ध्वजारोहण संपन्न
By तेजराव दांडगे
पारध बुद्रुक येथे ७७ वा प्रजासत्ताक दिन उत्साहात साजरा; स्व. राजेंद्रजी श्रीवास्तव विद्यालयात ध्वजारोहण संपन्न
पारध बु. (D9 News प्रतिनिधी): भोकरदन तालुक्यातील पारध बुद्रुक येथे भारताचा ७७ वा प्रजासत्ताक दिन अत्यंत उत्साहात आणि देशभक्तीमय वातावरणात साजरा करण्यात आला. येथील स्व. राजेंद्रजी श्रीवास्तव इंग्लिश स्कूल, कनिष्ठ व वरिष्ठ महाविद्यालयाच्या वतीने विविध कार्यक्रमांचे आयोजन करण्यात आले होते.
प्रभात फेरीने परिसर दुमदुमला
कार्यक्रमाची सुरुवात उत्साही प्रभात फेरीने झाली. विद्यार्थ्यांनी गावातून काढलेल्या या फेरीत दिलेल्या ‘भारत माता की जय’ आणि प्रजासत्ताक दिनाच्या जयघोषाने संपूर्ण पारध परिसर दुमदुमून गेला होता. प्रजासत्ताक दिनानिमित्त शाळेचे प्रांगण विविध फुलांनी आणि रांगोळ्यांनी सुशोभित करण्यात आले होते, जे आकर्षणाचे केंद्र ठरले.
मान्यवरांच्या हस्ते ध्वजारोहण
गावातील प्रतिष्ठित ग्रामस्थ रामदास पांडुरंग लोखंडे यांच्या हस्ते मुख्य ध्वजारोहण सोहळा पार पडला. यावेळी तिरंग्याला सलामी देऊन राष्ट्रगीत गायन करण्यात आले.
मान्यवरांची उपस्थिती
या सोहळ्याप्रसंगी माजी सभापती मनीष श्रीवास्तव, विक्रांत श्रीवास्तव यांची प्रमुख उपस्थिती होती. तसेच सरपंच, उपसरपंच, ग्रामपंचायत सदस्य, अंगणवाडी सेविका, महावितरण विभागाचे कर्मचारी, व्यापारी वर्ग, शेतकरी मित्र आणि मोठ्या संख्येने पालक उपस्थित होते.
कार्यक्रमाच्या यशस्वीतेसाठी महाविद्यालयाचे प्राचार्य, सर्व शिक्षक व शिक्षकेतर कर्मचाऱ्यांनी परिश्रम घेतले. यावेळी विद्यार्थ्यांनी विविध देशभक्तीपर गीते आणि भाषणे सादर करून उपस्थितांची मने जिंकली. पत्रकार बांधवांनीही या सोहळ्याला उपस्थित राहून कार्यक्रमाची शोभा वाढवली.
