पारध पोलिसांची मोठी कारवाई! शेलुद शिवारात मुरुमाचे अवैध उत्खनन करणारे ३१ लाखांच्या मुद्देमालासह ताब्यात

पारध पोलिसांची मोठी कारवाई! शेलुद शिवारात मुरुमाचे अवैध उत्खनन करणारे ३१ लाखांच्या मुद्देमालासह ताब्यात

​पारध, दि. २५ : जालना जिल्ह्यातील भोकरदन तालुक्यातील शेलुद शिवार परिसरात मुरुमाचे बेकायदेशीर उत्खनन आणि वाहतूक करणाऱ्या टोळीवर पारध पोलिसांनी धडाकेबाज कारवाई केली आहे. या कारवाईत पोलिसांनी एक जेसीबी आणि दोन ट्रॅक्टरसह एकूण ३१ लाख ३ हजार रुपयांचा मुद्देमाल जप्त केला असून तीन जणांविरुद्ध गुन्हा दाखल केला आहे.

​नेमकी घटना काय?

​मिळालेल्या माहितीनुसार, २५ जानेवारी २०२६ रोजी दुपारी ३:३० वाजेच्या सुमारास शेलुद शिवारातील धरणाजवळ मुरुमाचे अवैध उत्खनन सुरू असल्याची माहिती पोलिसांना मिळाली होती. या माहितीच्या आधारे सपोनि यांच्या मार्गदर्शनाखाली पोलीस अंमलदार गणेश किसनराव निकम यांनी पथकासह सापळा रचला. यावेळी घटनास्थळी जेसीबीच्या सहाय्याने ट्रॅक्टरमध्ये मुरुम भरण्याचे काम सुरू असल्याचे दिसून आले.

​जप्त केलेला मुद्देमाल:

​पोलिसांनी या कारवाईत खालील वाहने जप्त केली आहेत:
१. जेसीबी: पिवळ्या रंगाचे (क्र. MH 21 BV 1181) – किंमत अंदाजे २० लाख रुपये.
२. स्वराज ७४४ XT ट्रॅक्टर: मुरुम भरलेल्या ट्रॉलीसह – किंमत अंदाजे ५ लाख ५३ हजार रुपये.
३. महिंद्रा युवो टेक ५८५ ट्रॅक्टर: रिकाम्या ट्रॉलीसह – किंमत अंदाजे ५ लाख ६० हजार रुपये.
एकूण मुद्देमाल: ३१,०३,००० रुपये.

​यांच्यावर झाला गुन्हा दाखल:

​या प्रकरणी विशाल गणेश गावंडे (वय २३), आनंद उर्फ पवन गणेश सोनवणे (वय २१, दोन्ही रा. शेलुद) आणि रविंद्र प्रभू कवस्कर (वय २७, रा. वडोदतांगडा) यांच्याविरुद्ध ‘भारतीय न्याय संहिता-२०२३’ च्या कलम ३०३ (२) आणि ३ (५) अन्वये गुन्हा दाखल करण्यात आला आहे.

सदरचा गुन्हा सपोनि (API) संतोष माने यांच्या मार्गदर्शनाखाली दाखल करण्यात आला असून, या प्रकरणाचा पुढील तपास पोउपनि (PSI) वाल्मिक नेमाने हे करत आहेत.