जालना शहरातून ट्रॅक्टर चोरी करणारा आरोपी जेरबंद; ५ लाख १० हजार रुपयांचा मुद्देमाल जप्त (स्थानिक गुन्हे शाखेची कारवाई)
By तेजराव दांडगे
जालना शहरातून ट्रॅक्टर चोरी करणारा आरोपी जेरबंद; ५ लाख १० हजार रुपयांचा मुद्देमाल जप्त (स्थानिक गुन्हे शाखेची कारवाई)
जालना: जालना जिल्ह्यातील चारचाकी वाहन चोरीचे गुन्हे उघडकीस आणण्याबाबत पोलीस अधीक्षक तेगबीर सिंह संधू यांनी स्थानिक गुन्हे शाखेचे पोलीस निरीक्षक पंकज जाधव व पथकास सूचना दिल्या होत्या. त्यानुसार स्थानिक गुन्हे शाखेच्या पथकाने कारवाई करत जालना शहरातून ट्रॅक्टर चोरी करणाऱ्या एका आरोपीला जेरबंद केले आहे.
घटनेचा तपशील:
फिर्यादी राहुल किसनराव कदम (वय ३० वर्षे, व्यवसाय- बिल्डर, रा. सिडको, एन-४, एच-४९, हायकोर्ट जवळ, छत्रपती संभाजीनगर) यांनी पोलीस ठाणे तालुका जालना येथे फिर्याद दिली होती. दिनांक १९/०७/२०२६ रोजी सायंकाळी १८.०० वा. ते २०/०७/२०२६ रोजी सकाळी ०७.०० वाजेच्या दरम्यान, गोल्डी लॉन्स समोरील बांधकामाच्या ठिकाणावरून अज्ञात चोरट्याने महिंद्रा कंपनीचे ट्रॅक्टर (रजि.क्र. MH20AY9561) चोरून नेले होते. यावरून पोलीस ठाणे तालुका जालना येथे गुन्हा नोंद क्रमांक ४५२/२०२६, कलम ३०३(२) BNS (भारतीय न्याय संहिता) अन्वये गुन्हा दाखल करण्यात आला होता.
आरोपी व जप्त मुद्देमाल:
तांत्रिक विश्लेषण व गुप्त बातमीदाराच्या मदतीने मिळालेल्या माहितीनुसार, सदर गुन्हा आरोपीत गणेश अरुण आंधळे (वय ३३ वर्षे, व्यवसाय- जेसीबी ड्रायव्हर, रा. पिंप्री आंधळे, ता. देऊळगाव राजा, जि. बुलढाणा) व त्याच्या साथीदाराने केल्याचे उघड झाले. आरोपी गणेश आंधळे यास ताब्यात घेऊन खालील मुद्देमाल जप्त करण्यात आला:
- महिंद्रा ट्रॅक्टर (MH20AY9561): रु. ४,५०,०००/-
- बजाज प्लॅटिना मोटारसायकल (MH28AR0563): रु. ६०,०००/-
- एकूण जप्त मुद्देमाल: रु. ५,१०,०००/-
(गुन्ह्यातील दुसऱ्या फरार आरोपीता चा शोध पोलीस घेत आहेत.)
कारवाई करणारे अधिकारी व अंमलदार:
सदर कारवाई पोलीस अधीक्षक तेगबीर सिंह संधू, अपर पोलीस अधीक्षक विक्रम साळी, उपविभागीय पोलीस अधिकारी अनंत कुलकर्णी यांच्या मार्गदर्शनाखाली स्थानिक गुन्हे शाखेचे पोलीस निरीक्षक पंकज जाधव, सपोनि. सचिन खामगळ, पोउपनि. राजेंद्र वाघ आणि पोलीस अंमलदार प्रभाकर वाघ, लक्ष्मीकांत आडेप, सागर बाविस्कर, दत्ता वाघुंडे, शिवप्रसाद एखंडे, आक्रूर धांडगे, रमेश काळे, कैलास चेके, अशोक जाधवर (सर्व स्थानिक गुन्हे शाखा, जालना) यांनी केली आहे.
