सुंदरवाडी शिवारात पोलिसांचा छापा; ५६ हजारांचा बेकायदेशीर रसायन व गावठी दारूचा साठा जप्त
By तेजराव दांडगे
सुंदरवाडी शिवारात पोलिसांचा छापा; ५६ हजारांचा बेकायदेशीर रसायन व गावठी दारूचा साठा जप्त
पारध (विशेष बातमीदार): पारध पोलीस ठाण्याच्या हद्दीतील सुंदरवाडी शिवारात पोलिसांनी बेकायदेशीर दारू निर्मितीविरोधात मोठी कारवाई केली आहे. १० सप्टेंबर रोजी सकाळी ६:३० वाजेच्या सुमारास टाकलेल्या या छाप्यात सुमारे ५६ हजार रुपये किमतीचे मोहाचे रसायन आणि गावठी हातभट्टीची दारू जप्त करण्यात आली आहे.
विहिरीजवळ चालत होती दारू निर्मिती
पोलीस सूत्रांनी दिलेल्या माहितीनुसार, सुंदरवाडी शिवारातील एका शेतातील विहिरीजवळ अवैधपणे गावठी हातभट्टीची दारू तयार केली जात असल्याची माहिती पोलिसांना मिळाली होती. या माहितीच्या आधारे पारध पोलीस ठाण्याच्या पथकाने घटनास्थळी धाड टाकली.
जप्त केलेला मुद्देमाल:
- हातभट्टीचे रसायन: ५० हजार रुपये किमतीचे ५०० लिटर मोहाचे मिश्रण (आंबट उग्र वास असलेले रसायन)
- गावठी हातभट्टी दारू: ६ हजार रुपये किमतीची ३० लिटर तयार गावठी दारू
- एकूण जप्त ऐवज: ५६ हजार रुपये
एकावर गुन्हा दाखल
या कारवाईत विठ्ठल कुंडलीक गवळी (वय ५६, रा. वालसावंगी, ता. भोकरदन, जि. जालना) याच्या ताब्यातून हा अवैध साठा हस्तगत करण्यात आला आहे. त्याच्याविरोधात महाराष्ट्र दारूबंदी कायद्यातील कलम ६५ (फ) अन्वये पारध पोलीस ठाण्यात गुन्हा दाखल करण्यात आला आहे.
सदर कारवाई पारध पोलिसांच्या पथकाने केली असून, पोलीस अंमलदार सुनील जाधव यांच्या फिर्यादीवरून गुन्हा नोंदवण्यात आला आहे. सहाय्यक पोलीस निरीक्षक (सपोनि) संतोष माने यांच्या मार्गदर्शनाखाली पोलीस हे settle अंमलदार प्रकाश सिनकर या प्रकरणाचा पुढील तपास करत आहेत.
