D9 News इम्पॅक्ट: अखेर पारध-धामणगाव रस्त्याला मुहूर्त! १०-१५ दिवसांत रस्ता चकाकणार
धुळीच्या साम्राज्यातून नागरिकांची होणार मुक्तता; 'डी नाईन न्यूज'च्या सातत्यपूर्ण पाठपुराव्याला मोठे यश
D9 News इम्पॅक्ट: अखेर पारध-धामणगाव रस्त्याला मुहूर्त! १०-१५ दिवसांत रस्ता चकाकणार
धुळीच्या साम्राज्यातून नागरिकांची होणार मुक्तता; ‘डी नाईन न्यूज’च्या सातत्यपूर्ण पाठपुराव्याला मोठे यश
पारध (D9 News प्रतिनिधी): मराठवाडा आणि विदर्भाला जोडणारा अत्यंत महत्त्वाचा दुवा असलेल्या पारध ते धामणगाव रस्त्याच्या दुरावस्थेबाबत ‘D9 News’ ने सातत्याने आवाज उठवला होता. “धुळीत हरवला रस्ता” आणि “डांबर विरून गेला, धूळ उरली
” अशा मथळ्याखाली प्रसिद्ध केलेल्या बातम्यांची दखल अखेर प्रशासनाने घेतली असून, या रस्त्याच्या कामाला युद्धपातळीवर सुरुवात झाली आहे.
सुपरवायझर यांची माहिती: १५ दिवसांत काम पूर्ण
रस्त्याच्या कामावर उपस्थित असलेल्या सुपरवायझर यांनी दिलेल्या माहितीनुसार, पारध ते धामणगाव या मार्गाचे रखडलेले काम आता वेगाने मार्गी लावले जाणार आहे. पुढील १० ते १५ दिवसांत हे काम पूर्ण करून रस्ता वाहतुकीसाठी सज्ज केला जाईल. यामुळे गेल्या अनेक महिन्यांपासून धुळीचा त्रास सहन करणाऱ्या रहिवाशांना, पादचाऱ्यांना आणि वाहनधारकांना मोठा दिलासा मिळणार आहे.
D9 News ने लावून धरला होता प्रश्न
या रस्त्यावरील खड्डे आणि उडणाऱ्या धुळीमुळे नागरिकांच्या आरोग्याचा प्रश्न गंभीर बनला होता. D9 News ने प्रत्यक्ष जमिनीवर जाऊन वस्तुस्थिती मांडली होती. या ‘इम्पॅक्ट’मुळे प्रशासकीय यंत्रणा हलली आणि प्रत्यक्ष कामाला सुरुवात झाली. रस्ता कामासाठी सध्या रोलर आणि इतर यंत्रणा दाखल झाली असून रस्त्याच्या प्रक्रियेला वेग आला आहे.
D9 News विशेष मत:
लोकशाहीचा चौथा स्तंभ म्हणून जनतेचे प्रश्न मांडणे हे आमचे कर्तव्य आहे. पारध-धामणगाव रस्त्याचे काम सुरू होणे, हा केवळ एका रस्त्याचा विजय नसून तो पारधकरांच्या एकजुटीचा आणि D9 News वरील तुमच्या विश्वासाचा विजय आहे. कामाचा दर्जा दर्जेदार असावा, यासाठी आमचे लक्ष कायम राहील.
बातमी संकलन: तेजराव दांडगे, डी नाईन न्यूज, पारध, जालना.
