जालन्यात बस स्थानकासमोरील लॉजवर पोलिसांचा मोठा छापा; वेश्याव्यवसाय करणाऱ्या ५ जणांवर गुन्हा दाखल

जालन्यात बस स्थानकासमोरील लॉजवर पोलिसांचा मोठा छापा; वेश्याव्यवसाय करणाऱ्या ५ जणांवर गुन्हा दाखल

​जालना: जालना शहरातील बस स्थानक परिसरातील एका नामांकित लॉजमध्ये सुरू असलेल्या वेश्याव्यवसायाचा जालना पोलिसांनी पर्दाफाश केला आहे. या प्रकरणी लॉज मॅनेजरसह एकूण ५ जणांविरुद्ध सदर बाजार पोलीस ठाण्यात गुन्हा दाखल करण्यात आला असून, घटनास्थळावरून रोकड, मोबाईल आणि इतर साहित्य जप्त करण्यात आले आहे.

​वरिष्ठ पोलीस अधिकाऱ्यांच्या मार्गदर्शनात कारवाई

​जालना जिल्ह्याचे पोलीस अधीक्षक तेघबीर सिंह संधु आणि अप्पर पोलीस अधीक्षक मा. विक्रम साळी यांनी जिल्ह्यातील अवैध धंदे आणि विशेषतः देहविक्रीचा व्यवसाय चालणाऱ्या ठिकाणांची माहिती काढून त्यावर कडक कारवाई करण्याचे आदेश दिले होते. या आदेशानुसार सदर बाजार पोलीस ठाण्याचे पोलीस निरीक्षक (पोनि) भारती सो. व त्यांच्या पथकाने ही मोहीम राबवली.

​न्यू वैष्णवी लॉजवर सायंकाळी छापा

​पोलीस पथकाला मिळालेल्या गोपनीय माहितीच्या आधारे, दिनांक २६ मे २०२६ रोजी सायंकाळी सुमारे १७:०० वाजताच्या सुमारास जालना बस स्थानकासमोरील ‘न्यू वैष्णवी लॉज’ इमारतीच्या पहिल्या मजल्यावर छापा टाकण्यात आला.

​या ठिकाणी बाहेरून महिलांना बोलावून, स्वतःच्या आर्थिक फायद्यासाठी त्यांच्याकडून वेश्याव्यवसाय करून घेतला जात असल्याचे पोलिसांना आढळून आले. पोलिसांनी घटनास्थळावरून रोख रक्कम, मोबाईल फोन आणि इतर आक्षेपार्ह साहित्य जप्त केले आहे.

​’या’ ५ आरोपींविरुद्ध गुन्हा दाखल

​या प्रकरणी सदर बाजार पोलीस ठाण्यात गुन्हा रजिस्टर नंबर ४६४/२०२६, कलम ३, ४, ५, ६ (महिलांचे अनैतिक व्यापार प्रतिबंध अधिनियम १९५६) अन्वये गुन्हा दाखल करण्यात आला आहे. अटक करण्यात आलेल्या आरोपींची नावे खालीलप्रमाणे आहेत:

​१) कैलास रतनलाल कुम्हार (वय ३० वर्ष, व्यवसाय: मॅनेजर, रा. चित्तोडगड, राजस्थान; हाल मुक्काम: वैष्णवी लॉज, जालना)

२) करण रवि वाहुळे (वय २० वर्ष, व्यवसाय: मजुरी, रा. जामवाडी, ता. जि. जालना)

३) नारायण रामेश्वर सेन (वय ३७ वर्ष, व्यवसाय: मजुरी, रा. उडवागांव, चित्तोडगड, राजस्थान)

४) स्वप्नील मधुकर खेडकर (वय २६ वर्ष, व्यवसाय: शेती, रा. रुमणा चांगेफळ, ता. सिंदखेडराजा, जि. बुलढाणा)

५) रुषीकेश रामकिसन जायभाये (वय २३ वर्ष, व्यवसाय: मेकॅनिक, रा. रुमणा चांगेफळ, ता. सिंदखेडराजा, जि. बुलढाणा)

​कारवाई करणारे पोलीस पथक

​ही धडक कारवाई पोलीस अधीक्षक तेघबीर सिंह संधु, अप्पर पोलीस अधीक्षक विक्रम साळी यांच्या मार्गदर्शनाखाली पोनि. भारती सो, सपोनी. आनंदसिंग साबळे, सपोनी. अविनाश गडाख, पोहेकॉ/९८० कोकणे, पोहेकॉ. बाबा हरणे, पोहेकॉ. रामप्रसाद रंगे, पोहेकॉ. विनोद निकम, पोहेकॉ. संतोष जाधव, पोकों. कारभारी जारवाल, मपोकों. शिवकन्या मगर आणि पोकों. नसीम पठाण यांच्या पथकाने केली.

​या प्रकरणाचा पुढील सखोल तपास पोलीस हेड कॉन्स्टेबल (पोहेकॉ/३१९) जाधव हे करत आहेत.