साने गुरूजींचे विचार आत्मसात करावेत; उपमुख्याध्यापिका योजना निकम

पुणे (हडपसर) : थोर देशभक्त, समाजसुधारक, विचारवंत, लेखक साने गुरुजी संपूर्ण आयुष्य समाजासाठी जगले. स्वतःसाठी न जगता समाजासाठी जगणाऱ्या अशा थोर महापुरूषांचे विचार आपण आचरणात आणावेत असे प्रतिपादन साधना विद्यालय व आर.आर.शिंदे ज्युनिअर कॉलेजच्या उपमुख्याध्यापिका योजना निकम यांनी केले.

          साधना विद्यालय व आर आर शिंदे ज्युनिअर कॉलेज हडपसर येथे साने गुरूजी यांच्या १२५ व्या जयंतीनिमित्त आयोजित कार्यक्रमात त्या बोलत होत्या.

         सर्वप्रथम प्रतिमा पूजन करण्यात आले.विद्यालयातील शिक्षिका चित्रा हेंद्रे यांनी साने गुरूजींवर आधारित गीत सादर केले.या निमित्ताने सिद्धार्थ देशमुख, शौर्य येलूतवाड या
विद्यार्थ्यांनी आपले मनोगत व्यक्त केले. मंगेश म्हेत्रे यांनी शिक्षक मनोगतात साने गुरूजी यांच्या समग्र जीवनकार्याचा आढावा घेतला.

          कार्यक्रमासाठी विद्यालयाच्या उपमुख्याध्यापिका योजना निकम, पर्यवेक्षक शिवाजी मोहिते,माधुरी राऊत,आजीव सेवक अनिल मेमाणे सर्व विद्यार्थी,शिक्षक व शिक्षकेतर कर्मचारी उपस्थित होते. कार्यक्रमाचे प्रास्ताविक कामिनी केदारे यानी केले. सूत्रसंचालन अनिल वाव्हळ यांनी केले. तर आभार स्मिता पाटील यांनी मानले.