पिंपळगाव रेणुकाई येथे ‘महसूल समाधान शिबिर’ उत्साहात; शासनाच्या योजना थेट जनतेच्या दारी

पिंपळगाव रेणुकाई येथे ‘महसूल समाधान शिबिर’ उत्साहात; शासनाच्या योजना थेट जनतेच्या दारी

​जालना/भोकरदन (प्रतिनिधी – गौतम वाघ): तालुक्यातील पिंपळगाव रेणुकाई येथे ‘छत्रपती शिवाजी महाराज अभियान’ अंतर्गत आयोजित करण्यात आलेले महसूल समाधान शिबिर अत्यंत शिस्तबद्ध आणि उत्साहपूर्ण वातावरणात पार पडले. शासनाच्या विविध कल्याणकारी योजनांचा लाभ थेट नागरिकांपर्यंत पोहोचवण्याच्या उद्देशाने आयोजित या शिबिराला परिसरातील जनतेचा उत्स्फूर्त प्रतिसाद लाभला.

​प्रशासकीय अधिकाऱ्यांची मोठी उपस्थिती

​या शिबिरास तहसीलदार ज्ञानेश्वर काकडे, जिल्हा पुरवठा अधिकारी श्रीमती सविता चौधरी, तालुका पुरवठा अधिकारी सदानंद नाईक, अंजली कुलकर्णी, तालुका कृषी अधिकारी अमोल शिंदे यांची प्रमुख उपस्थिती होती. तसेच भूमी अभिलेख विभागाचे एल. ई. गोडसम, महिला व बालविकास विभागाच्या भालके मॅडम, गटशिक्षण अधिकारी वानखेडे, महेंद्र साबळे, पोपळवाड आणि संदीप गाढवे या अधिकाऱ्यांनी उपस्थित राहून नागरिकांच्या समस्या जाणून घेतल्या.

​विविध योजनांचे प्रत्यक्ष लाभ वाटप

​शिबिरादरम्यान नागरिकांना केवळ माहितीच दिली नाही, तर प्रत्यक्ष लाभही प्रदान करण्यात आले:

​आरोग्य सुरक्षा: अनेक लाभार्थ्यांना ‘आयुष्मान भारत’ कार्डचे वाटप करण्यात आले.

​भूमी अभिलेख: ७/१२ मधील दुरुस्त्या करून त्यांचे तात्काळ वाटप करण्यात आले.

​महिला व बालकल्याण: गरोदर माता आणि कन्यारत्न प्राप्त झालेल्या मातांना विशेष ‘बेबी किट’चे वाटप करून त्यांचा गौरव करण्यात आला.

​लोकप्रतिनिधी आणि पत्रकारांची उपस्थिती

​कार्यक्रमाच्या यशस्वी नियोजनासाठी मंडळ अधिकारी आणि पिंपळगाव रेणुकाई ग्रामपंचायतीने पुढाकार घेतला. यावेळी भाजप जिल्हा उपाध्यक्ष राजेंद्र देशमुख, माजी सभापती परमेश्वर लोखंडे, सरपंच संतोष बोर्ड, उपसरपंच लक्ष्मण पाटील आहेर यांच्यासह अमोल नरवाडे, राधाकिसन भोसले, निवृत्ती गावंडे, समाधान तायडे आणि पंडितराव नरवाडे उपस्थित होते.

​याप्रसंगी पत्रकार गणेश खिस्ते, विठ्ठल देशमुख, गणेश सास्ते, सागर देशमुख, हरिदास गवळी, तोंग्ररे आणि महेंद्र बेराड यांनीही उपस्थित राहून शिबिराच्या कामकाजाची माहिती घेतली.

​पाच गावांतील नागरिकांचा सहभाग

​या शिबिरात पिंपळगाव रेणुकाईसह हिसोडा, पारध, कोसगाव आणि अवघडराव सावंगी येथील नागरिक मोठ्या संख्येने सहभागी झाले होते. विविध विभागांचे कर्मचारी, शिक्षक, अंगणवाडी सेविका आणि सामाजिक कार्यकर्त्यांनी शिबिर यशस्वी करण्यासाठी परिश्रम घेतले. ‘प्रशासन नागरिकांच्या दारी’ हा उपक्रम या शिबिराच्या माध्यमातून यशस्वी झाल्याचे समाधान नागरिकांनी व्यक्त केले.

​बातमी: विशेष प्रतिनिधी, D9 न्यूज.