परदेशातील भारतीयांसाठी महत्त्वाची सूचना! मध्यपूर्वेतील तणावाच्या पार्श्वभूमीवर भारत सरकारकडून ‘ॲडव्हायझरी’ जारी
Important notice for Indians abroad! Government of India issues 'advisory' in wake of tensions in the Middle East
परदेशातील भारतीयांसाठी महत्त्वाची सूचना! मध्यपूर्वेतील तणावाच्या पार्श्वभूमीवर भारत सरकारकडून ‘ॲडव्हायझरी’ जारी
मुंबई/दिल्ली (विशेष प्रतिनिधी): मध्यपूर्व (Middle East) आणि परिसरातील काही देशांमध्ये निर्माण झालेल्या तणावपूर्ण परिस्थितीच्या पार्श्वभूमीवर, भारत सरकारने तेथे वास्तव्यास असलेल्या भारतीय नागरिकांसाठी महत्त्वाची सुरक्षा ‘ॲडव्हायझरी’ जारी केली आहे. महाराष्ट्र शासनाने देखील परदेशातील राज्यातील नागरिकांना शांतता आणि संयम राखण्याचे आवाहन केले आहे.
सतर्क राहण्याचे आणि अनावश्यक हालचाल टाळण्याचे आवाहन
भारत सरकारच्या संबंधित दूतावासांनी पॅलेस्टाईन (रामल्ला), कतार (दोहा), सौदी अरेबिया (रियाध), इस्रायल (तेल अवीव), इराण (तेहरान), इराक (बगदाद), कुवैत, बाहरीन, मस्कत, जॉर्डन आणि संयुक्त अरब अमिरात (अबू धाबी) येथे राहणाऱ्या भारतीयांना सतर्क राहण्याच्या सूचना दिल्या आहेत. नागरिकांनी स्थानिक प्रशासन आणि दूतावासांच्या सूचनांचे तंतोतंत पालन करावे आणि अनावश्यक प्रवास टाळावा, असे सांगण्यात आले आहे.
महाराष्ट्र शासन सुरक्षिततेबाबत सतर्क
महाराष्ट्र शासनाच्या वतीने आवाहन करण्यात आले आहे की, परदेशात असलेल्या महाराष्ट्रातील नागरिकांनी घाबरून न जाता अधिकृत सूचनांचे पालन करावे. राज्य शासन केंद्र सरकार आणि संबंधित दूतावासांशी सतत समन्वयात असून परिस्थितीवर बारकाईने लक्ष ठेवून आहे. कोणत्याही आपत्कालीन परिस्थितीत भारतीयांसाठी २४x७ हेल्पलाइन क्रमांक उपलब्ध करून देण्यात आले आहेत.
देशनिहाय आपत्कालीन संपर्क क्रमांक (Help Desk):
गरज भासल्यास नागरिक खालील क्रमांकांवर किंवा ईमेलवर संपर्क साधू शकतात:
देश संपर्क क्रमांक (Phone/WhatsApp) ईमेल आयडी
इस्रायल (तेल अवीव) +972-54-7520711 / +972-54-2428378 cons1.telaviv@mea.gov.in
सौदी अरेबिया (रियाध) 800 247 1234 (Toll Free) / WhatsApp: 00-966-542126748 cw.riyadh@mea.gov.in
इराण (तेहरान) +989128109115 / +989128109109 –
संयुक्त अरब अमिरात 800-46342 (Toll Free) / WhatsApp: +971543090571 ca.abudhabi@mea.gov.in
कतार (दोहा) 00974-55647502 cons.doha@mea.gov.in
पॅलेस्टाईन (रामल्ला) +970592916418 repoffice@mea.gov.in
इराक (बगदाद) +964 771 651 1185 / +964 770444 4899 cons.baghdad@mea.gov.in
मस्कत 80071234 (Toll Free) / WhatsApp: +96898282270 cw.muscat@mea.gov.in
