एकाच दिवसात सव्वा तीन लाखांचा दंड! आरटीओ आणि शहर वाहतूक शाखेची जालना शहरात संयुक्त धडक मोहीम; ४८ रिक्षांवर कायद्यान्वये कारवाई

एकाच दिवसात सव्वा तीन लाखांचा दंड! आरटीओ आणि शहर वाहतूक शाखेची जालना शहरात संयुक्त धडक मोहीम; ४८ रिक्षांवर कायद्यान्वये कारवाई

विनापरमिट, विना नंबर आणि बाहेरील पासिंगच्या रिक्षा टार्गेट; पुढेही विशेष मोहीम सुरू राहणार

जालना, दि. १८ (प्रतिनिधी): जालना शहरात मोटार वाहन कायद्याची कठोर अंमलबजावणी करण्यासाठी आज, दिनांक १८ नोव्हेंबर २०२५, रोजी उपप्रादेशिक परिवहन विभाग (RTO) आणि शहर वाहतूक शाखेने संयुक्त विशेष मोहीम राबवली. या धडक कारवाईत एकाच दिवसात ४८ रिक्षांची तपासणी करण्यात आली असून, त्यांच्यावर तब्बल ₹ ३,१५,७५०/- (तीन लाख पंधरा हजार सातशे पन्नास रुपये) एवढा मोठा दंडात्मक ई-चलन आकारण्यात आला आहे.

कायद्याचे उल्लंघन करणाऱ्या रिक्षांवर कारवाई

शहर वाहतूक शाखा, जिल्हा वाहतूक, कदीम जालना आणि सदरबाजार वाहतूक पोलीस यांच्या संयुक्त विद्यमाने ही मोहीम शहरातील विविध ठिकाणी राबविण्यात आली.
या मोहिमेत प्रामुख्याने खालील प्रकारच्या रिक्षांवर मोटार वाहन कायद्यान्वये कारवाई करण्यात आली:

१) विनापरमिट प्रवासी वाहतूक करणाऱ्या रिक्षा.
२) विना नंबर प्लेट असलेल्या रिक्षा.
३) इतर जिल्ह्यांचे पासींग असलेल्या रिक्षा.
एकूण ४८ रिक्षांची तपासणी करण्यात आली आणि त्यांच्यावर ई-चलन प्रणालीद्वारे दंड आकारण्यात आला.

वरिष्ठ अधिकाऱ्यांचे मार्गदर्शन

या विशेष मोहिमेला पोलीस दलातील आणि आरटीओ विभागातील वरिष्ठ अधिकाऱ्यांचे मार्गदर्शन लाभले.

पोलीस अधीक्षक अजयकुमार बन्सल, अपर पोलीस अधीक्षक आयूष नोपाणी, उपविभागीय पोलीस अधिकारी अनंत कुलकर्णी आणि आरटीओ कार्यालयाचे चंदमोहन चिंतल यांच्या मार्गदर्शनाखाली ही कारवाई यशस्वी झाली.

शहर वाहतूक शाखेचे पोलीस निरीक्षक पी. व्ही. इंगळे यांच्यासह आरटीओ विभागाचे अधिकारी व कर्मचारी आणि शहर वाहतूक शाखेचे अधिकारी व अंमलदार यांनी या विशेष मोहिमेत सक्रिय सहभाग घेतला.

जालना पोलीस प्रशासनाने स्पष्ट केले आहे की, प्रवाशांची सुरक्षा आणि कायद्याचे पालन सुनिश्चित करण्यासाठी यापुढेही अशाच प्रकारच्या विशेष मोहिमा राबवून कारवाई करण्यात येणार आहे.