जालना जिल्ह्यातील शेतकऱ्यांना मिळणार थेट आर्थिक मदत: DBT पोर्टलद्वारे 15.90 कोटींचा निधी लवकरच वितरित!

जालना जिल्ह्यातील शेतकऱ्यांना मिळणार थेट आर्थिक मदत: DBT पोर्टलद्वारे 15.90 कोटींचा निधी लवकरच वितरित!

जालना, दि. ०१: जिल्ह्यातील हजारो शेतकऱ्यांसाठी एक आनंदाची बातमी आहे! शासनाकडून डि.बी.टी. (Direct Benefit Transfer) पोर्टलद्वारे येत्या दोन ते तीन दिवसांत तब्बल 15.90 कोटी रुपयांपेक्षा जास्त निधी थेट शेतकऱ्यांच्या खात्यात जमा होणार आहे. निवासी उपजिल्हाधिकारी गणेश महाडीक यांनी प्रसिद्धीपत्रकाद्वारे ही माहिती दिली असून, यामुळे जिल्ह्यातील 9 हजार 277 शेतकऱ्यांना मोठा दिलासा मिळणार आहे.

तालुकानिहाय निधी वितरण खालीलप्रमाणे:
परतूर: 213 शेतकऱ्यांसाठी रु. 27 लाख 45 हजार 99
मंठा: 570 शेतकऱ्यांसाठी रु. 67 लाख 25 हजार 789
जालना: 347 शेतकऱ्यांसाठी रु. 30 लाख 79 हजार 392
जाफ्राबाद: 512 शेतकऱ्यांसाठी रु. 53 लाख 90 हजार
घनसावंगी: 1,717 शेतकऱ्यांसाठी रु. 2 कोटी 54 लाख 5 हजार 90
भोकरदन: 131 शेतकऱ्यांसाठी रु. 21 लाख 10 हजार 671
बदनापूर: 55 शेतकऱ्यांसाठी रु. 8 लाख 41 हजार 874
अंबड: 5,732 शेतकऱ्यांसाठी रु. 11 कोटी 28 लाख 1 हजार 146

एकूण, जालना जिल्ह्यातील 9,277 शेतकऱ्यांना या थेट निधी वितरणाचा लाभ मिळणार असून, ही रक्कम त्यांच्या आर्थिक गरजा पूर्ण करण्यासाठी महत्त्वपूर्ण ठरणार आहे. शासनाच्या या जलद आणि थेट हस्तांतरण प्रणालीमुळे शेतकऱ्यांना वेळेवर मदत मिळेल अशी अपेक्षा आहे.