प्रचाररथांच्या माध्यमातून ‘तलावांचे पुनरुज्जीवन’ कामांना वेग शासकीय योजनेचा लाभ घेण्यासाठी सर्व गावांनी पुढे यावे 

प्रचाररथांच्या माध्यमातून ‘तलावांचे पुनरुज्जीवन’ कामांना वेग शासकीय योजनेचा लाभ घेण्यासाठी सर्व गावांनी पुढे यावे 

जालना दि.9 : महाराष्ट्र शासनाच्या‘गाळमुक्त धरण व गाळयुक्त शिवार’ तसेच ‘नालाखोलीकरण व रुंदीकरण’ या महत्वाकांक्षी योजनेचे राज्यात युद्धपातळीवर काम सुरू झाले आहे. प्रत्येक गावागावात जाऊन या योजनेचा प्रचाररथाद्वारे प्रचार-प्रसार तथा जनजागृती केली जात आहे. या प्रचाररथांना राज्यातून मोठा प्रतिसाद मिळत आहे. तसेच ही योजना राबविण्यासाठी आवश्यक असलेले प्रशिक्षण जिल्हा, तालुका पातळीवर मोठ्या प्रमाणावर सुरू झाले आहे.

जालना जिल्हाधिकारी डॉ. श्रीकृष्ण पांचाळ, झेडपी सीईओ जगदिश मनियार,जलसंधारण अधिकारी सुंदर वाघमारे,सर्व गट विकास अधिकारी यांच्या उपस्थितीत आणि मार्गदर्शनाखाली सरपंच, ग्रामसेवक, शेतकरी यांना ऑडिओ, व्हिडिओ, पीपीटी सादरीकरण या माध्यमातून हे प्रशिक्षण दिले जात आहे. जिल्हाधिकारी सरांच्या शुभहस्ते प्रचाररथाचे उद्घाटन करुन जलरथाद्वारे यायोजनेची माहिती जालना जिल्ह्यातील सर्व तालुक्यातील गावांमध्ये देण्यात आली. जिल्हाधिकारी डॉ. श्रीकृष्ण पांचाळ यांनी उपरोक्त योजनांसाठी शासनाने आर्थिक नियोजन केले असून आपल्या परिसरातील सर्व जलसाठ्यातीलगाळकाढण्यासाठी ग्रामपंचायत किंवा सेवाभावी संस्था पात्र आहेत. आपलेगाव जलआत्मनिर्भर करण्यासाठी जिल्हा प्रशासनामार्फत अर्ज मागविण्यात येत असुन आपलेगाव पाणीदार करण्यासाठी शासनाच्या वरील योजनेचा लाभ घेऊन गावाच्या तलावातील, नालाखोलीकरण करुन गाळ काढुया आणि आपलेगाव जल आत्मनिर्भर बनवूया, अशीसादत्यांनी गावकऱ्यांना घातली.यायोजनेची माहिती गाळमुक्त धरण व गाळयुक्त शिवार यापोर्टलवर उपलब्ध असुन, मागणी अर्ज डाउनलोड करुन अर्जात संपूर्ण माहिती नमुद करुन ते अर्ज संबंधित अधिकारी, सरपंच व ग्रामसेवक यांच्या स्वाक्षरीसह फोटो कॉपी संबंधित लिंकवर अपलोड करावी असे ते म्हणाले‌

आतापर्यंत या योजनेचा प्रचार-प्रसार करणाऱ्या प्रचार रथाचे उद्घाटन राज्यातील 26 जिल्ह्यात संपन्न झाले.

यात अहिल्यानगर, अकोला, भंडारा, बुलढाणा, छत्रपती संभाजीनगर, हिंगोली, जळगाव, जालना, नंदुरबार, सांगली, सातारा, सोलापूर, वाशिम, यवतमाळ, धुळे, वर्धा,अमरावती, धाराशीव, गडचिरोली, लातूर, गोंदिया, कोल्हापूर, नागपूर, परभणी, चंद्रपुर आदी जिल्ह्यांचा समावेश आहे.

 ‘योजनेची सर्व माहिती तसेच अर्ज करण्यासाठी ‘गाळमुक्त धरण’ म्हणजेच ‘www.shiwaar.com’ या शासनाच्या पोर्टलला भेट द्यावी.डिमांड जनरेशन या टॅबवरुन मागणी अर्ज डाउनलोड करून भरलेला अर्ज ‘बीजेएस अॅप’वर अपलोड करावा. महाराष्ट्रातील जास्तीत जास्त गावांनी अर्ज करून या योजनेचा लाभ घ्यावा,’असे आवाहनमृद व जलसंधारण विभागाचे मंत्री संजय राठोड, राज्यमंत्री इंद्रनील नाईक तसेच सचिव गणेश पाटील यांनी केले आहे.

सदरील योजनेद्वारे शासन गावागावांतील तलावांमधील गाळ काढून त्यांचे पुनरुज्जीवन करणार आहे. गाळ काढण्याचा संपूर्ण खर्च शासन करणार असून यासाठी पूर्ण राज्यात एकच दर निश्चित करण्यात आला आहे. तसेच तलावातून काढलेला गाळ शेतात टाकण्यासाठी अल्प व अत्यल्पभूधारक शेतकरी, विधवा, अपंग शेतकरी व आत्महत्याग्रस्त शेतकरी कुटुंबांना शासनाकडून निश्चित दरानुसार अनुदानही दिले जाणार आहे.

शासनाची ही योजना गावागावात पोहोचवणे, शेतकरी यांना गाळ घेऊन जाण्यासाठी प्रोत्साहन देणे, जनजागृती करून जनआंदोलन उभे करणे, मागणी अर्ज निर्माण करणे तसेच ‘गाळमुक्त धरण’ पोर्टलची निर्मिती करण्यासाठी भारतीय जैन संघटना आणि महाराष्ट्र शासन यांच्यात सामंजस्य करार झाला आहे.

बीजेएसने सर्व जिल्ह्यात नेमलेले प्रशिक्षित जिल्हा समन्वयक तसेच महाराष्ट्रातील बीजेएसचे हजारो कार्यकर्ते हे बीजेएसच्या माध्यमातून शेतकर्‍यांना, ग्रामपंचायतींना, तालुका-जिल्हा प्रशासनाला सहयोग करीत आहेत. या योजनेच्या जनजागृतीसाठी ‘सुहाना स्पाइसेस’ यांनी बीजेएसला सहकार्य केले आहे.जालना जिल्ह्यातील भारतीय जैन संघटना जिल्हाध्यक्ष श्री. विजयकुमार जैन, दिपक मोदी, विनयकोठारी, विजयराज सुराणा, रोशनरुणवाल, नेमीचंद रुणवाल, अनिल संचेती, श्रीपाल मरलेचा, नरेंद्र जोगड, राजेश लुनिया,स्वप्निल लव्हाडे, चैतन्य वायकोस, पंडित खुले,पवन सुराणा आदिकार्यकर्ते याकामासाठी वेळ देतआहे. जिल्हा समन्वयक संदिप गवळी यांना गाळमुक्त धरण व गाळयुक्त शिवार व नाला खोलीकरण व रुंदीकरण योजनेचामागणी अर्ज कशाप्रकारे भरावा याची माहिती देण्यासाठी संपर्क साधावा:- 7798937089