फरार आरोपीतांना अटक! भोकरदन न्यायालयाकडून दोघांना १४ दिवसांची न्यायालयीन कोठडी

फरार आरोपीतांना अटक! भोकरदन न्यायालयाकडून दोघांना १४ दिवसांची न्यायालयीन कोठडी

पारध/भोकरदन, दि. १६: गंभीर गुन्ह्यांमध्ये दीर्घकाळ फरार असलेल्या दोन आरोपीतांना पारध पोलिसांनी धडाकेबाज कारवाई करत बेड्या ठोकल्या आहेत. या दोन्ही आरोपीतांना भोकरदन येथील जेएमएफसी (न्यायदंडाधिकारी प्रथम वर्ग) न्यायालयाने १४ दिवसांची न्यायालयीन कोठडी (Magistrate Custody Remand – MCR) सुनावली आहे.

काय आहे प्रकरण?

गणेश प्रकाश रोकडे (रा. भोरखेडा) आणि नारायण सांडू सपकाळ (रा. जळगाव) हे दोघे गंभीर गुन्ह्यात सहभागी असल्यापासून फरार होते. त्यांच्याविरुद्ध जेएमएफसी न्यायालय, भोकरदन यांनी ‘नॉन-बेलेबल वॉरंट’ (NBW – अजामीनपात्र अटक वॉरंट) जारी केले होते.

पोलिसांची तत्पर कारवाई:

न्यायालयाच्या या वॉरंटची प्रभावी अंमलबजावणी करण्यासाठी पारध पोलीस स्टेशनचे API संतोष माने, pc सुनील जाधव, कृष्ण गवळी आणि सुरेश पाटील यांच्या पथकाने तत्परता दाखवली. या पथकाने तातडीने शोधमोहीम राबवत दोन्ही आरोपीतांना शिताफीने ताब्यात घेतले.

अटक करण्यात आलेल्या या दोन्ही आरोपीतांना न्यायालयात हजर करण्यात आले असता, न्यायालयाने त्यांची गुन्ह्याची गंभीरता आणि अटकेची प्रक्रिया विचारात घेऊन त्यांना १४ दिवसांच्या न्यायालयीन कोठडीत पाठवण्याचा महत्त्वपूर्ण आदेश दिला आहे. यामुळे फरार आरोपीतांना कायद्याच्या कचाट्यातून सुटणे शक्य नाही, हा संदेश पुन्हा एकदा अधोरेखित झाला आहे.