अनुसूचित जाती व नवबौद्ध घटकांकरिता मिनी ट्रॅक्टरसाठी ३१ मेपर्यंत प्रस्ताव सादर करण्याचे आवाहन

अनुसूचित जाती व नवबौद्ध घटकांकरिता मिनी ट्रॅक्टरसाठी ३१ मेपर्यंत प्रस्ताव सादर करण्याचे आवाहन

जालना, दि. २१ : जालना जिल्ह्यातील अनुसूचित जाती व नवबौद्ध घटकातील नोंदणीकृत स्वयंसहाय्यता बचत गटांसाठी आनंदाची बातमी आहे. ९ ते १८ अश्वशक्तीचे (HP) मिनी ट्रॅक्टर आणि त्याची उपसाधने ९० टक्के अनुदानावर उपलब्ध करून देण्याच्या योजनेअंतर्गत सन २०२५-२६ या आर्थिक वर्षासाठी अर्ज मागविण्यात येत आहेत.

योजनेचा तपशील
ही योजना पुरुष आणि महिला स्वयंसहाय्यता बचत गटांसाठी खुली आहे. त्यामुळे अनुसूचित जाती व नवबौद्ध घटकातील पात्र बचत गटांनी या संधीचा लाभ घ्यावा, असे आवाहन सहायक आयुक्त, समाजकल्याण यांनी केले आहे.

अर्ज सादर करण्याची प्रक्रिया
इच्छुक आणि पात्र नोंदणीकृत स्वयंसहाय्यता बचत गटांनी डॉ. बाबासाहेब आंबेडकर सामाजिक न्याय भवन, जालना येथील सहायक आयुक्त, समाज कल्याण कार्यालयात आपले प्रस्ताव सादर करावेत. अर्ज स्वीकारण्याची अंतिम तारीख ३१ मे, २०२५ असून, सुट्टीचे दिवस वगळून कार्यालयीन वेळेत प्रस्ताव सादर करता येतील.

या योजनेमुळे अनुसूचित जाती व नवबौद्ध घटकांतील बचत गटांना आत्मनिर्भर होण्यास आणि आर्थिक सक्षमीकरण साधण्यास मोठा हातभार लागेल, अशी अपेक्षा आहे. अधिक माहितीसाठी संबंधित कार्यालयाशी संपर्क साधावा.