अमळनेर (प्रतिनिधी) अमळनेर तालुक्यातील कळमसरे येथील मनोहर उर्फ़( पिंटू )राजेंद्र पाटील वय २७ याने काल २५ रोजी सकाळी ३ वाजेच्या सुमारास नैराश्यातुन स्वतः च्या घरात गळफास घेऊन आत्महत्या केल्याची घटना घडली.
या बाबत अधिक माहिती अशी की,मनोहर राजेंद्र पाटील हा शेतमजुरी व सालदारकिचे काम करीत असायचा कळमसरे सह अमळनेर तालुक्यात एक ते दीड महिन्यापासून पाऊस नसल्याने शेतमजुरांना शेतीची कामे मिळत नव्हती,त्यामुळे मनोहर हा नेहमी नैराश्यात असायचा नैराश्यापोटी त्याने स्वतःच्या राहत्या घरात २५ रोजी सकाळी सुमारे ३ वाजेच्या सुमारास दोराने फाशी घेऊन आत्महत्या केली.त्याच्या पश्यात आई-वडील दोन बहिणी असुन मारवड पोस्टेला अकस्मात मृत्यु र.न. २८/१८ सीआरपीसी १७४ प्रमाणे अकस्मात मृत्यु दाखल असुन पुढील तपास सहाय्यक पोलिस उपनिरीक्षक समाधान पाटील यांच्या मार्गदर्शनाखाली हे.कॉ.भागवत पाटील हे करीत आहे.
